پاشنیوه‌ڕۆی ئه‌مڕۆ شه‌ممه‌ ٢٠٢٣/٦/٣ نێچیرڤان بارزانی، سه‌رۆکی هه‌رێمی کوردستان، به‌ بانگهێشتێکی فه‌رمی بۆ به‌شداری له‌ ڕێوڕه‌سمی ده‌ستبه‌کاربوونی ڕه‌جه‌ب ته‌ییب ئه‌ردۆغان سه‌رکۆماری تورکیا، گه‌یشته‌ ئه‌نقه‌ره‌.

نێچیرڤان بارزانی له‌گه‌ڵ ده‌یان‌ سه‌رۆک و سه‌رکرده‌ و به‌رپرسانی باڵای وڵاتان، به‌شداری له‌ ڕێوڕه‌سمی ده‌ستبه‌کاربوونی سه‌رۆک ئه‌ردۆغان له‌ خولی تازه‌ی سه‌رۆکایه‌تی و ئێواره‌خوانێکدا ده‌کات که‌ به‌بۆنه‌ی سوێندخواردنییه‌وه‌ ساز ده‌کرێت.