ئەمڕۆ جارێكی دیكە بەھای دۆلار بەرامبەربە دیناری عێراقی بەرزبووەوە و لەئێستاشدا نرخی 100 دۆلار لە بازاڕەكانی شاری ھەولێر بە 155 ھەزار و 500 دینار مامەڵەی پێوە دەكرێت.
بەپێی داتاكانی كۆمپانیای تاك نرخ بۆ ئاڵوگۆڕی دراو، لەئێستادا بەھای 100 دۆلاری ئەمریكی بەرامبەر 155 ھەزار و 500 دینارە لە كاتێكدا ئێوارەی دوێنێ لەمیانی داخستنی بازاڕەكانی ئاڵوگۆڕی دراو، بەھای 100 دۆلار 153 ھەزار و 300 دینار بوو.
ئەمە لە كاتێكدایە كە بانكی ناوەندیی عێراق رێژەی 146 ھەزار دیناری بەرامبەر بە 100 دۆلار دیاریی كردووە، بەڵام بەھای دۆلار لەو رێژەیە زیاتر ھەڵكشاوە.