چوارچێوه‌ی هه‌ماهه‌نگی شیعه‌كان كاندیدی پۆستی سه‌رۆكوه‌زیرانی عێراقیان یه‌كلا كرده‌وه و محه‌مه‌د شه‌یاع سودانی، به فه‌رمی بۆ ئه‌و پۆسته كاندید كرا
دوای ململانێ و ناكۆكییه‌كی زۆر، دواجار ئه‌مڕۆ دووشه‌ممه 25/7/2022، چوارچێوه‌ی هه‌ماهه‌نگی كاندیدی پۆستی سه‌رۆك وه‌زیرانی عێراقیان یه‌كلا كرده‌وه و محه‌مه‌د شه‌یاع سودانی بۆ ئه‌و پۆسته كاندید كرا.
محەمەد شەیاع سودانی ساڵی 1970 لە بەغدا لەدایک بووە، کەسایەتییەکی سیاسی سەربەخۆیە، پێشتر وەزیری کار و کاروباری کۆمەڵایەتی بووە لە حکوومەتی عەبادی لە 2014-2017، ماوەیەکیش وەزیری پیشەسازی بووه.
شەیاع لە کابینەی حکوومەتی مالیکی لە 2010-2014، وەزیری مافی مرۆڤ بووە، پێش ئەوکاتیش پارێزگاری میسان بووە.
محه‌مه‌د شەیاع لە ساڵی 2019ـوه له هاوپەیمانی دەوڵەتی یاسا جیا بووەته‌وه.
