خەبات:حەمە ئەحمەد جاف:- (ئیدریس دەریای دڵ بەپەرۆش ) نامیلکەیەکی تایبەتە بەیادی (35ساڵەی کۆچی دوایی شەهید ئیدریس بارزانی هەمیشە زیندوو) کەلەلایەن هەیئەی گشتیی ڕێکخستنی پێشمەرگە ئامادەکراوەو، بەدیزاینێکی جوان و قەشەنگ چاپ و بڵاوکراوەتەوەو لەو ماوەیەدا کەوتە بەر دیدی خوێنەران.

شایانی باسە ئەم نامیلکەیە ، لەگەڵ پێشەکیەکی هەیئەی گشتیدا چەندین شیعرو پەخشانەشیعریی تایبەت بەو یادەی لە خۆ گرتووە کە لە کۆڕە شیعرێکی ئەو یادەدا لە هاوینەهەواری پیرمام خوێنرانەوەو لەو نامیلکەیەدا بڵاوکراونەتەوە، لەوانە:شیعری شاعیران (قادر قەچاخ ، حەسەنی دانیشفەڕ، حەمە ئەحمەد جاف، حەسەن نووری ، بوڕهان زێباری ، ئیدریس عەلی ، فریاد بارزانی ، حوسێن دەحلێنەوی ، دڵشاد میراودەلی ، زیرەک سابیر ، عەبدولقادر نۆرمانی ).

شایانی باسە، ئەو نامیلکەیە زنجیرەی ( 1) ی هەیئەی گشتیی ڕێکخستنی پێشمەرگەیە بەتیراژی (1000 ) دانەو دەرهێنانی هونەریی (تەحسین جەلال)ە و لە چاپخانەی (خانی) لە دهۆک چاپکراوە، ئێمەش بەناوی ڕۆژنامەکەمانەوە پێیاندەڵێین: پیرۆزە و خەرمان بەرەکەت.