دوایین چوارشه‌ممه‌ی مانگی خاكه‌لێوه‌ى هه‌موو ساڵێک، یەکەم رۆژى جەژنى چارشەمبا سۆرە و سەرى ساڵى ئێزدیانە.
چارشەمبا سۆر، یەکێکە لە کۆنترین جەژنەکانى ئێزديان و به‌پێى ودمى (بيروڕاى) ئه‌وان بۆ سەردەمى دروستبوونى زەوى دەگەڕێتەوە. لە دەستپێکى مانگى نیساندا هەموو ماڵێکى ئێزدى ئەو جەژنە دەگێڕێ، لە سەرەتا 50 تا 100 هێلکە دەکوڵێنن و دواتر بە رەنگی جیاواز رەنگى دەکەن وەک ئاماژەیەک بۆ سەرەتاى دروستبوونى زەوى و بە هەموو رەنگەکانیەوە، هێلکەکان بە رەنگەکانى سروشتی بەهار رەنگ دەکرێن، خێزانە ئێزدییەکان لەم جەژنەدا دواى تەواوبوونى رێوەڕەسمەکان هێلکەکان دەگوازنەوە بۆ سەر گۆڕى مردووەکانیان یان وەک چاکەیەک دەيدەن بە هەژاران.
