وه‌زاره‌تى دارایی و ئابووریی حكوومه‌تى هه‌رێمى كوردستان، ده‌ست به دابه‌شكردنى مووچه‌ى مانگى 1ى 2022 ده‌كات.
بەپێی لیستی دارایی كە بۆ گەنجینە و بانكه‌كان نێردراوە سبه‌ى سێشه‌ممه 25/1/2022، وه‌زاره‌تى دارایی و ئابوورى ده‌ست به دابه‌شكردنى مووچه‌ى مانگى 1ى 2022 ده‌كات، هه‌ر سبه‌ى مووچه‌ى وه‌زاره‌تى ته‌ندروستی دابه‌ش ده‌كرێت.
حكوومه‌تی هه‌رێمی كوردستان، پێشتر ڕایگه‌یاندبوو، 25ی هه‌موو مانگێك، به‌پێی ئه‌و داهاته‌ی له‌به‌رده‌ستدایه، ده‌ست به دابه‌شكردنی مووچه‌ی فه‌رمانبه‌ران و مووچه‌خۆران ده‌كرێ، له‌و چوارچێوه‌یه‌شدا سبه‌ی سێشه‌ممه 25/1/2022، دابه‌شكردنی مووچه‌ی مانگ یه‌ك ده‌ست پێده‌كا و مووچه‌ی وه‌زاره‌تی ته‌ندروستی دابه‌ش ده‌كرێ.
