خەبات: هاوكار كەلهوری:- لە یاریگای بچووكراوی شەهید فرەنسۆ هەریری، یارییەكی دۆستانەی تۆپی پێ، هونەرمەندانی شاری هەولێر كۆدەكاتەوە.

هونەرمەند هەڤاڵ قەرەچوغی بە لاپەڕەی وەرزشی رۆژنامەی خەباتی راگەیاند كە ئەو یارییە لەلایەن هونەرمەند یوسف یوسفی رێكخرابوو، كە كۆمەڵیك لە هونەرمەندانی شانۆكار و شێوەكار و راگەیانكارانی شاری هەولێری لە یارییەكی دۆستانەی تۆپی پێ كۆكردەوە، هەروەها گوتی: ئەو یارییە زیاتر بۆ كۆبوونەوەی ئەو ژمارە زۆرەی هونەرمەندان بوو بەتایبەتیش دوای ماوەیەك لەبێدەنگی و بیریشمان لەوەكردەوە كە وەرزش و یاری تۆپی پێ باشترین دەرفەتە كە هەمووان كۆبكاتەوە‌.