بەپێی یاسای ژمارە 9ـی ساڵی 2020ـی هەڵبژاردنی ئەنجوومەنی نوێنەران پارێزگای هەولێر دابەشکراوە بەسەر 4 بازنەدا و بەپێی هەمان یاسا 15 کورسی گشتی و 1 کورسی کۆتایی مەسیحییەکان بۆ پارێزگاکە تەرخانکراوە.
بازنەی 2ـی پارێزگای هەولێر سنووری ناوچەکانی کۆیە، تەق تەق، ئاشتی، سێگرتکان، دێگەڵە، بنەسڵاوە، دارەتوو، قوشتەپە، شەمامک، خەبات، ڕزگاری، بەستۆڕە، شاوێس، پیرزین، کەسنەزان و دەوروبەری ھەولێر، جگە لە بەحرکە دەگرێتەوە.
لە بازنەی 2ـی پارێزگای هەولێردا حیزبەکان ڕکابەری دەکەن لەسەر چوار کورسی، پارتی لەو سنوورەدا دوو کاندیدی بەربژێر کردووە، کە پێکهاتوون لە:-
خدر عەلى صادق ژمارەی كاندید:-20
ئامانج مەحمود ئەسعەد ژمارەی كاندید:- 23
پارتی دیموکراتی کوردستان لە هەڵبژاردنی ڕابردووی ساڵی 2018ـی عێراقدا، 71 هەزار و 961 دەنگی بەدەستهێنا و براوەی هەڵبژاردنی ڕابردوو بوو لە سنووری بازنەکە، بە ڕەچاوکردنی ڕێژەی دەنگدانی هەڵبژاردنی ڕابردوو، پارتی دیموکراتی کوردستان لەم بازنەیەدا دوو کورسی لە ئەنجوومەنی نوێنەران مسۆگەر کردووە.
