كەرەنتینەی گشتی لە فەڕەنسا راگەیەنرا بۆ بەرەنگاربوونەوەی شەپۆلی سێهەمی كۆرۆنا لە سەرانسەری فەڕەنسا بۆ ماوەی 3 هەفتە.
ئیمانوێڵ ماكرۆن سەرۆكی فەڕەنسا رایگەیاند بڕیاردراوە بەشێوەیەكی بەرفراوان كەرەنتینەی گشتی رابگەیەنرێت بە تەواوی و هاتوچۆ رابگیرێت، هاوكات قوتابخانە و نێوەندەكانی خوێندن بۆ ماوەی 3 هەفتە دادەخرێت.
ئاماژەی بەوەشكردووە شەپۆلی سێهەمی كۆرۆنا بەڕێوەیە و نەخۆشخانەكان توانای لە خۆگرتنی ئەم هەموو نەخۆشەیان نییە.
ماكرۆن دەڵێت رێوشوێنەكان لە پاریس و هەرێمەكانی باكور و باشوری خۆرهەڵات جێبەجێدەكرێت، سەرانسەری وڵات دەگرێتەوە بۆ ماوەی مانگێك لە رۆژی شەممەوە.
راشیگەیاند پێویستە ئەم رێوشوێنانە بگیردرێنە بەر تا رەوشەكە لە كۆنترۆڵدا بێت.
ئاماژەی بەوەشكرد قوتابخانەكان بۆ ماوەی 3 هەفتە دادەخرێت، نێوەندەكانی خوێندن لە فەڕەنسا بەراورد بە وڵاتانی دیكە زۆرترین دەوامیان كردووە.
