تەرمی د. نەجمەدین کەریم لە واشنتنەوە گەیشتە فڕۆکەخانەی هەولێر و لەلایەن نێچیرڤان بارزانی، سەرۆکی هەرێمی کوردستانەوە پێشوازی لێدەکرێت.
دوای رێوڕەسمی پێشوازیکردن لە تەرمەکەی لە فڕۆکەخانەی نێودەوڵەتیی هەولێر، تەرمی د. نەجمەدین کەریم لە پیرمام بەخاکدەسپێردرێت.
رۆژی 31ی مانگی رابردوو و دوای تووشبوونی بە جەڵتەی مێشک، نەجمەدین کەریم، پارێزگاری پێشووی کەرکووک لە ویلایەتە یەکگرتووەکانی ئەمریکا گیانی لەدەستدا.
لە رێوڕەسمی پێشوازی لە تەرمی د. نەجمەدین کەریم قوباد تاڵەبانی، جێگری سەرۆکوەزیرانی هەرێمی کوردستان، محەممەد حاجی مەحموود و چەند بەرپرسێکی دیکەی سیاسی ئامادەبوون و لەگەڵ سەرۆکی هەرێمی کوردستان، تاجە گوڵینەی رێزیان لەسەر تەرمەکەی دانا.
