وه‌زاره‌تی ته‌ندروستی و ژینگه‌ی عێراق رایگه‌یاند، 4013 تووشبووی دیكه‌ی كۆرۆنا ده‌ستنیشانكراون و 68 كه‌سی دیكه‌ش به‌هۆی ڤایرۆسه‌كه‌وه‌ گیانیان له‌ده‌ستداوه‌.

له‌ راگه‌یه‌ندراوێكدا وه‌زاره‌تی ته‌ندروستی و ژینگه‌ی عێراق بڵاویكرده‌وه‌: 4013 كه‌سی دیكه‌ له‌ دوێنێوه‌ تووشی كۆرۆنا بوون و كۆی گشتی ژماره‌ی تووشبوان گه‌یشتووه‌ته‌ 168 هه‌زار و 290 تووشبوو.

باسی له‌وه‌شكردووه‌: 68 كه‌سی دیكه‌ش به‌هۆی ڤایرۆسه‌كه‌وه‌ گیانیان له‌ده‌ستداوه‌ و كۆی گشتی ژماره‌ی گیانله‌ده‌ستدان گه‌یشته‌ 5 هه‌زار و 70 كه‌س، هاوكات 2 هه‌زار و 921 كه‌سیش ڤایرۆسه‌كه‌یان په‌ڕاندووه‌ و كۆی گشتی چاكبووان گه‌یشتووه‌ته‌ 120 هه‌زار و 129 كه‌س.