ئەمشەوی هەینی چوار مووشەكی كاتیۆشا لە سەربازگەی بەسمایای نزیك پارێزگای بەغدای پایتەختی فیدراڵی كەوتنە خوارەوە.
لەمبارەیەوە شانەی راگەیاندنی ئاسایشیی عێراق بڵاوی كردەوە مووشەكەكان لە نزیك سەربازگەكە كەوتوونەتە خوارەوە كە 60 كیلۆمەتر لە باشووری ناوەڕاستی بەغدایە.
مووشەكی یەكەم بەر كۆگایەكی زرێپۆشەكان كەوتووە، هی دووەمیش بەر كەرەڤانەیەكی فەوجەكانی پاسەوانی سەربازی كەوتووە، هی سێیەم و چوارەمیش لە گۆڕەپانی راهێنانی سەربازیدا بەر زەوی كەوتوون.
مووشەكەكان تەنها زیانی داراییان لێ كەوتووەتەوە و بە پێی زانیارییە سەرەتاییەكانیش لە ناوچەیەكی نزیك پارێزگای دیالەوە ئاراستە كراون.
