شاره‌زا و توێژه‌ره‌وه‌ی بواری هزری توندڕه‌وی و گرووپه تیرۆریستییه‌كان، هیشام هاشمی له ناوچه‌ی زه‌یونه‌ی به‌غدا درایه به‌ر ده‌ستڕێژی گولـله و تیرۆر كرا.
به گوێره‌ی زانیاری میدیای عێراقی چه‌كداره‌كان به دوو ماتۆڕسكیل ته‌قه‌یان له هاشمی كردووه له نزیك ماڵه‌كه‌ی خۆی له ناوچه‌ی زه‌یونه و به سه‌ختی پێكاویانه و دوای گه‌یاندنی بۆ نه‌خۆشخانه‌ی ئیبن نه‌فیسی به‌غدا به هۆی سه‌ختی برینه‌كانییه‌وه گیانی له‌ده‌ستدا.
له‌و باره‌یه‌وه، گوته‌بێژی وه‌زاره‌تی ناوخۆی عێراق، لیوا سه‌عد معن هه‌واڵه‌كه‌ی پشتڕاستكرده‌وه و رایگه‌یاند، “له ئاكامی په‌لامارێكی چه‌كداری، هاشمی شه‌هید بووه”.
