وەزارەتی تەندروستی و ژینگەی عێراق، ئاماری 24 كاتژمێری رابردووی بڵاوكرده‌وه و 85 تووشبووی نوێی ڤایرۆسی كۆرۆنای له عێراق راگه‌یاند.
لە راگەیێندراوەکەی وەزارەتی تەندروستی و ژینگەی عێراقدا هاتووە، 12 تووشبووی نوێ لە کەرکووک تۆمارکراون، بەوەش ژمارەی تووشبووانی کۆرۆنا لەکەرکوک گەیشتە 65 کەس و ئێستا 37 کەس لە نەخۆشخانەکانی تایبەت بە کۆرۆنان.
بەپێی راگەیه‌نراوی وەزارەتی تەندروستی و ژینگەی عێراق، تووشبووه‌كان بەمشێوەیە بەسەر ناوچە و پارێزگاکاندا دابەشبوون:
بەسرە: 19 تووشبوو
شاری پزیشکی لە بەغدا: 16 تووشبوو
کەربەلا:13 تووشبوو
کەرخ: 13 تووشبوو
کەرکووک: 12 تووشبوو
رەسافەی بەغدا: 5 تووشبوو
نەجەف: 2 تووشبوو
میسان: 1 تووشبوو
موسەننا: 1 تووشبوو
هەولێر: 1 تووشبوو (پێشتر لەلایەن وەزارەتی تەندروستیی هەرێمی کوردستان راگەیێندرابوو و كه‌مێك به‌ر له ئێستاش سێ تووشبووی دیكه راگه‌یه‌نران به‌ڵام له‌م ئاماره‌دا هه‌ژمارنه‌كراون)
به پێی ئاماره فه‌رمییه‌كانی وه‌زاره‌تی ته‌ندروستی و ژینگه‌ی عێراق، کۆی گشتی تووشبووان گەیشتە 2 هەزار و 431 تووشبوو، 102 کەس گیانیان لەدەستداوە و هەزار و 571 کەسیش چاکبوونەتەوە.
