لە هەولێر، نرخی یەک لیتر بەنزین بۆ 450 دینار دابەزی و خاوەن بەنزینخایەکیش هۆکارەکەی ئاشکرا دەکات.
خاوەنی بەنزینخانەیەک لە هەولێر بە کوردستان24ـی راگەیاندوه ، بە رەوچاوکردنی دۆخی ئێستا و دابەزینی نرخی نەوت، بەشێک لە بەنزینخانەکان بڕیاریانداوە نرخی بەنزین دابەزێنن.
راشیگەیاند، بەهۆی دابەزینی نرخی نەوت، نرخەکە دابەزیووە و پەیوەندی بە کەمبوونەوەی داواکاریی لەسەر بەنزین نییە، ئێمە دوای قەدەغەی هاتووچۆش هەوڵدەدەین هەمان نرخمان هەبێت.
دووپاتیشکردەوە، رێنماییەکان دەگرینەبەر و بەنزینی پێویست لە کۆگاکان هەن.
