ئه‌مشه‌و چەکدارانی داعش لە دوو قۆڵەوە لە سنوری گوندی مەنسوریە و داقوق له‌ باشوری كه‌ركوك، ھێرشیانکردە سەر سەنگەرەکانی پۆلیسی فیدراڵیی عیراق.
هێرشەکانی داعش لە هەردوو قۆڵەکەوە له‌ یه‌ك كاتدا بوون و لە هێرشەکەی گوندی مەنسوریە و ناوچەی مەلا عەبدوڵا، پۆلیسێک کوژراوه‌ و دووانی دیكه‌ش بریندار بوون، پۆلیسه‌كه‌ به‌ برینداری گەیه‌ندراوەتە نەخۆشخانەی حەویجە و لەوێ گیانی لەدەستداوە.