حکومەتى ئەڵمانیا لە بەیاننامەیەکدا ڕایگەیاند، کە ژمارەى توشبووان لە وڵاتەکەیدا بەرەو هەڵکشانى زیاتر دەڕوات.
لە بەیاننامەکەدا ئاماژەى بەوەکردووە، لە ماوەى 24 کاتژمێرى ڕابردوودا 28 توشبووى کۆرۆنا گیانیان لەدەستداوە و تێکڕاى ئەوانەیشى لە ئەڵمانیا بەهۆى کۆرۆناوە گیانیان لەدەستداوە گەیشتووەتە 114 کەس.
هەروەها باسى لەوەکردووە، تائێستا 27436 توشى کۆرۆنا بوون و لەو ژمارەیش 4764 تەنها لە ماوەى 24 کاتژمێرى ڕابردوودا توشى ڤایرۆسەکە بوون.
ئەڵمانیا دواى ئیتالیا و ئیسپانیا لە پلەى سێهەمدایە و زۆرترین هاووڵاتى توشى ڤایرۆسەکە بووە.
