ساسان دەروێش-هۆڵەندا‮ :‬
ڕەوەندی‮ ‬كورد لە هەر چوار پارچەی‮ ‬كوردستان‮ ‬،‮ ‬هەمیشە سەرمایەیەكی‮ ‬گەورەی‮ ‬بەهێزی‮ ‬پشتیوانیكردن بوون لە پرسە نەتەوەیی‮ ‬و نیشتیمانییەكانی‮ ‬كوردستان،‮ ‬بارزانیی‮ ‬نەمر لە پاڵ شۆڕشە مەزن و پیرۆزەكەی‮ ‬ئەیلوولدا چەندان قوتابی‮ ‬كوردی‮ ‬ڕەوانەی‮ ‬دەرەوە كرد بەمەبەستی‮ ‬ئەوەی‮ ‬بخوێنن و هەریەكەیان ببنە باڵیۆزی‮ ‬كورد بۆ گەیاندنی‮ ‬دەنگ و سەدای‮ ‬شۆڕش بە كۆمەڵگەی‮ ‬نێودەوڵەتی‮ ‬و لەداهاتووشدا بتوانن بە بڕوانامەكانیان خزمەتی‮ ‬كورد و كوردستان بكەن،‮ ‬لە ساڵانی‮ ‬حەفتاكانیش بەدواوە بەهۆی‮ ‬بارودۆخەكانی‮ ‬كوردستان تاكو ئێستا چەند ملیۆنێك كورد لە تاراوگە نیشتەجێن و بوونیان هەیە لەنێو كۆمەڵگە بیانییەكان و بەهەوڵەكانی‮ ‬خۆشیان توانیویانە دەنگ و‮ ‬ڕەنگی‮ ‬كوردبن و داكۆكیكاری‮ ‬دۆزی‮ ‬ڕەوای‮ ‬كوردستان بن لە چوار چێوەی‮ ‬ئەو‮ ‬ڕێكخراو و كۆمەڵانەی‮ ‬كە هەیان بووە،‮ ‬مێژوویەكی‮ ‬جوان و‮ ‬ڕەنگدانەوەیی‮ ‬باشیان هەبووە لە ناساندنی‮ ‬ناسنامەی‮ ‬كورد لەكار و چالاكییە بەردەوامەكانیان،‮ ‬بەڵام ئەو هەموو هێز و توانایە لە نەوەی‮ ‬نوێ و خوێنی‮ ‬تازەپێگەیشتووی‮ ‬كورد نەتوانراوە كۆبكرێتەوە لەژێر‮ ‬یەك چەتردا‮. ‬ڕەنگە لێرە و لەوێ ئەم هەوڵە درابێ‮ ‬،‮ ‬بەڵام نەگەیشتۆتە ئامانج‮ ‬،‮ ‬ڕووداوەكانی‮ ‬ئەم دواییەی‮ ‬كوردستانیش زەنگێكی‮ ‬مەترسی‮ ‬بوو بۆ كورد كە دەبێت لە ئاست مانەوەی‮ ‬خۆی‮ ‬یەكگرتوو‮ ‬یەك هەڵوێست بێت تا بەگەیشتن بەئامانج،‮ ‬سەرۆك بارزانی‮ ‬وەك هەمیشە خەمخۆری‮ ‬ڕاستەقینەی‮ ‬گەلی‮ ‬كورد و مەرجەعیەت لە هەوڵێكی‮ ‬بۆ ئەم پرسە بارەگای‮ ‬بارزانی‮ ‬بەشێكی‮ ‬تایبەتی‮ ‬بە‮ ‬ڕەوەندی‮ ‬كورد كردەوە‮.‬
پرۆژەیەكی‮ ‬نەتەوەیی‮ ‬
دڵسۆزی‮ ‬و خەمخۆری‮ ‬سەرۆك بارزانی‮ ‬و سەلماندنی‮ ‬وەك پێشمەرگەو‮ ‬ڕابەرێكی‮ ‬نەتەوەیی‮ ‬ڕۆڵی‮ ‬گرنگ و پڕهەستیاری‮ ‬هەبووە لە داكۆكیكردنی‮ ‬پرسی‮ ‬نیشتیمانی‮ ‬و نەتەوەیی‮ ‬بەهۆی‮ ‬ئەو پێگە بەهێزەی‮ ‬كە هەیەتی‮ ‬لەنێو میللەتەكەی‮ ‬خۆی‮ ‬و كاری‮ ‬سیاسی‮ ‬و بەردەوامی،‮ ‬بەهەمان شێوەش لە هەوڵی‮ ‬ئەوەدایە كە لە تاراوگەش هێزێكی‮ ‬لەبننەهاتووی‮ ‬كورد هەبێ بۆ پشتگیریكردنی‮ ‬كوردستان و لەژێر‮ ‬یەك چەتردا كۆبكاتەوە كە كاریگەرییان هەبێت بۆ بەرگریكردن لە كوردستان‮. ‬بۆ ئەو مەبەستەش تاهیر هەورامی‮ ‬ڕاسپێردراوە وەك بەرپرسی‮ ‬دۆسییەی‮ ‬ڕەوەندی‮ ‬كورد لە بارەگای‮ ‬بارزانی‮ ‬و ناردنی‮ ‬بۆ نێو‮ ‬ڕەوەندی‮ ‬كورد لە تاراوگە،‮ ‬وەك پەیامێكی‮ ‬نەتەوەیی‮ ‬بۆ‮ ‬ڕەوەندی‮ ‬كورد لەژێر‮ ‬یەك چەتر خۆیان كۆبكەنەوە بۆ بەهێزبوونیان و ئەو پشتیوانییەی‮ ‬كە هەمیشە بە خۆبەخشانە و لێبوردووانە كردوویانە و بەردەوام بوون لە پێناو دۆزی‮ ‬ڕەوای‮ ‬گەلەكەیان،‮ ‬بەشداریكردنیشیان لەم هەنگاوە سەلماندنی‮ ‬دڵسۆزی‮ ‬زیاتریانە بۆ ئایندەی‮ ‬كوردستان و بەدیهێنانی‮ ‬ئامانجە پیرۆزەكانی‮.‬
پێشوازیكردنی‮ ‬ڕەوەندی‮ ‬كورد لە پرۆژە نەتەوەییەكە
بۆ هەمان مەبەست و‮ ‬ڕاسپاردەكانی‮ ‬سەرۆك بارزانی،‮ ‬تاهیر هەورامی‮ ‬بەیاوەری‮ ‬كەژاڵ دەروێش و چەند هەڤاڵێكی‮ ‬دڵسۆز لە چەند هەفتەی‮ ‬ڕابردوودا لە چەندان وڵاتی‮ ‬ج ئەورووپادا لە نێو‮ ‬ڕەوەندی‮ ‬كوردا بۆ گەیاندنی‮ ‬ئەم پەیامە نەتەوەییە‮. ‬لە چەند كۆبوونەوەیەكدا كە كۆمەڵێك لە كەسایەتی‮ ‬و نوێنەرانی‮ ‬زۆرێك لە كۆمەڵە و‮ ‬ڕێكخراو و فیدراسیۆنە كوردییەكان و بەشێكی‮ ‬بەرچاو لە نوێنەرانی‮ ‬كوردانی‮ ‬هەر چوار پارچەی‮ ‬كوردستان بەشداربوون بۆ دەستپێكی‮ ‬یەكەم هەنگاوی‮ ‬كۆكردنەوە و‮ ‬یەكخستنەوەی‮ ‬ڕەوەندی‮ ‬كورد ئەنجام دران و تاهیر هەورامی‮ ‬هاتن و پەیامەكەی‮ ‬دەگەیاندە ئامادەبووان و هەروەها لەكۆبوونەوەكاندا لە گفتوگۆیەكی‮ ‬كراوەدا بیروڕاكان تاوتوێ دەكران‮. ‬هەورامی‮ ‬ئاماژەی‮ ‬بەوەشدا كە‮ ‬ڕەوەندی‮ ‬خۆیان بڕیار لە خۆیان دەدەن لە چوار چێوەی‮ ‬پڕۆژەیەكی‮ ‬نەتەوەیی‮ ‬و ئەوان تەنها هاوكاری‮ ‬و پاڵپشتیان دەبن،‮ ‬كە ئەوەش لە سەر‮ ‬ڕاسپاردەی‮ ‬سەرۆك بارزانییە‮. ‬
لە داهاتوودا هەموویان دەبنە خاوەنی‮ ‬ئەم پرۆژەیە
لە میانەی‮ ‬دواكۆبوونەوەی‮ ‬لە شاری‮ ‬ئامسفۆرت لە هۆڵەندا بۆ گەیاندنی‮ ‬پەیامی‮ ‬نەتەوەیی‮ ‬یەكخستنەوەی‮ ‬ڕەوەندی‮ ‬كورد لە تاراوگە،‮ ‬تاهیر هەورامی‮ ‬بۆ خەبات گوتی‮: ‬ئێمە بەناوی‮ ‬بەشی‮ ‬ڕەوەندی‮ ‬كورد لە بارەگای‮ ‬بارزانی‮ ‬هاتووین بۆ سەردانی‮ ‬ڕەوەندی‮ ‬كورد لە تاراوگە بەگشتی‮ ‬و لەشار و وڵاتانی‮ ‬جیاوازی‮ ‬ئەورووپا،‮ ‬سڵاوی‮ ‬سەرۆك بارزانیمان پێ‮ ‬ڕاگەیاندن كە بۆ ئەو مەبەستە پیرۆزەش ئێمەیان‮ ‬ڕاسپاردووە كە خزمەتیان بكەین و لە نزیكەوە لەگەڵیان كۆببینەوە و بزانین‮ ‬ڕەوەندی‮ ‬كورد لە چ بارودۆخێك دایە و پێویستی‮ ‬و داواكارییەكانیان چییە و بیروبۆچوونەكانیان وەربگرین و بتوانین چۆن هاوكار و پشتیوانیان بین بۆ ئەو ئامانج و پێشنیارانەی‮ ‬كە دەیكەن،‮ ‬ئامانج و هەنگاوی‮ ‬سەرەكی‮ ‬ئێمەش‮ ‬یەكڕیزی‮ ‬ڕەوەندی‮ ‬كوردە لە تاراوگە وەك‮ ‬ڕەوەندەكانی‮ ‬تری‮ ‬نێو كۆمەڵگەكان لەژێر‮ ‬یەك دروشم و چەتری‮ ‬نیشتیمانی‮ ‬و نەتەوەیی‮ ‬كە ئاڵای‮ ‬كوردستانە كۆبكرێتەوە‮. ‬هەروەها خەبات و بزاڤی‮ ‬خۆیان لە چوارچێوەی‮ ‬ئەو وڵاتانەی‮ ‬تیایدا دەژین بەڕێوەبەرن،‮ ‬پەیامی‮ ‬ئێمەش پەیامێكی‮ ‬نەتەوەییە بۆ نوێنەرانی‮ ‬هەر چوار پارچەی‮ ‬كوردستان لە‮ ‬ڕەوەندی‮ ‬كورد لە تاراوگە كە لە داهاتوودا هەموویان دەبنە خاوەنی‮ ‬ئەم پرۆژەیە و ئەم هەنگاوە پیرۆزە‮.‬
هەروەها لەمیانەی‮ ‬كۆبوونەوەی‮ ‬شاری‮ ‬ئامسفۆڕت لە هۆڵەندا كەژاڵ دەروێش كە چالاكوانێكی‮ ‬سیاسی‮ ‬و كۆمەڵگەی‮ ‬مەدەنییە لە تاراوگەو هاوكات‮ ‬یاوەری‮ ‬كۆبوونەوەكانی‮ ‬تاهیر هەورامی‮ ‬بووە بۆ خەبات گوتی‮: ‬لەم پرسە پیرۆزەی‮ ‬یەكخستنی‮ ‬هێز و تواناكانی‮ ‬ڕەوەندی‮ ‬كورد لە ژێریەك چەتر و ئاڵای‮ ‬كوردستان كە خۆشبەختانە دڵسۆزانی‮ ‬كورد لە پێشوازییەكی‮ ‬گەرمی‮ ‬ئەم پەیامەی‮ ‬سەرۆك بارزانیدا بوون و بە گەرموگوڕی‮ ‬بەشداری‮ ‬گفتوگۆكراوەكانیان كرد و بەپێشنیارو سەرنج و ئەزموونەكانیان پرۆژەكەیان دەوڵەمەندكرد كە لە داهاتوودا لە نێو چوارچیوەیەكی‮ ‬فەرمیدا كارەكانیان بەڕێوەدەبەن و كاریگەریی‮ ‬باشیان لە سەر‮ ‬ڕووداوەكان دەبێت‮.‬