سەرۆك بارزانی، به‌بۆنه‌ی كۆچی دوایی (عه‌دنان پاچەچی) سیاسەتمەداری ناسراوی عێراقی، پرسه‌ و سه‌ره‌خۆشی خۆی ئاراسته‌ی خانەوادەكەی ده‌كات.

بەناوی خودای مەزن و دلۆڤان

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی دیپلۆماتكار و سیاسەتمەداری ناسراوى عێراقی، (عه‌دنان پاچەچی)مان پێگه‌یشت و خەمباری كردین.

لەم بۆنە خەمناكەدا سه‌ره‌خۆشی له‌ بنەماڵەی پاچەچی و تەواوی ھاوڕێیانی كۆچكردوو دەكەم و خۆم بە ھاوبەشی خەمتان دەزانم.

‌لە‌ خوای گه‌وره‌ دەپاڕێینەوە بیخاتە بەر ڕەحمەتی خۆی و ئارامییش بەھەموولایەك ببه‌خشێت .

انا للە وانا الیە راجعون

مسعود بارزانی

١٨ـی ١١ـی ٢٠١٩