ئه‌مڕۆ 5شه‌ممه 24ی ئۆكتۆبه‌ری 2019 هێزه‌كانی سووریای دیموكرات”به هه‌سه‌ده ” له دوو ناوچه‌ی دیكه‌ی ڕۆژئاوای كوردستان پاشه‌كشه‌یان كرد.
له‌مباره‌یه‌وه روانگه‌ی سووری بۆ مافه‌كانی مرۆڤ رایگه‌یاند : هێزه‌كانی هه‌سه‌ده له چه‌ند ناوچه‌یه‌كی درێسپی و عامودا ده‌ستیان به‌كشانه‌وه كردووه، ئه‌مه‌ش دوای ڕێكه‌وتنه‌كه‌ی نێوان ئه‌مریكا و توركیا به جیا و توركیا و ڕوسیا له‌هه‌مبه‌ر كشانه‌وه‌ی هێزه‌كانی هه‌سه‌ده به درێژایی 32 كیلۆمه‌تر له‌سه‌ر سنووری توركیا.
