كاروان محەمەد سینۆ
رۆژی‮ ‬یەكشەممەی‮ ‬رابردوو‮ ‬15ـی‮ ‬ئەیلوول،‮ ‬مایك پۆمپیۆ‮ ‬وەزیری‮ ‬دەروەی‮ ‬ئەمریكا لە‮ (‬تویت)ێكدا نووسیبووی‮: “‬ئێران‮ ‬لەپشت نزیكەی‮ ‬100‮ ‬هێڕشە لەسەر سعودیە،‮ ‬لەكاتێكدا‮ (‬روحانی‮ ‬وزەریفی‮) ‬وا نیشاندەدەن كە ئەوان خزاونەتە نێو دیپلۆماسیەت‮. ‬ئێستا لە میانەی‮ ‬هەوڵەكانی‮ ‬وەستاندنی‮ ‬گرژی،‮ ‬ئێران‮ ‬هێڕشێكی‮ ‬بێوێنەی‮ ‬كردۆتە سەر‮ ‬ئەو وزەی‮ ‬كە جیهان بەكاری‮ ‬دەهێنێت‮. ‬هیچ بەڵگەیەك نییە كە هێڕشەكان لە‮ ‬یەمەنەوە هاتبن‮”. ‬ئەم تویتەی‮ ‬پۆمپیۆ لە كاتێكدا بوو كە رۆژی‮ ‬پێشتر شەممە‮ ‬14ـی‮ ‬ئەیلوول،‮ ‬هێڕشێكی‮ ‬بەهێز كرایە سەر گەورەترین دوو پاڵاوگای‮ ‬نەوتی‮ ‬كۆمپانیای‮ (‬ئارامكۆ‮) ‬لە سعودیا لە هەردوو شاری‮ (‬بقەیق،‮ ‬خرەیص‮) ‬و‮ ‬19‮ ‬پێگە بەئامانج كران و نیوەی‮ ‬تونای‮ ‬سعودیە لە هەناردەكردنی‮ ‬نەوت پەكخرا‮. ‬دەمودەست میلیشاكانی‮ ‬حوسی‮ ‬یەمەنی‮ ‬بەرپرسێتی‮ ‬خۆیان لەم هێڕشە‮ ‬ڕاگەیاند كە ئەوان بە‮ ‬10‮ ‬فڕۆكەی‮ ‬بێفڕوكەوان‮ ‬هێرشیان كردۆتە سەر سێكتەری‮ ‬وزەی‮ ‬سعودیە‮. ‬دواتر ئاژانسەكانی‮ ‬هەواڵ و میدیاكان و هەندێك دەزگای‮ ‬هەواڵگری‮ ‬جیهانی،‮ ‬ئەوەیان بڵاوكردەوە كە‮ ‬ئێران‮ ‬بە فڕوكەی‮ ‬بێفڕوكەوان هێڕشەكەیان ئەنجامداوە و فڕوكەكان لە باشووری‮ ‬عێراقەوە هەڵفڕیون‮.‬ بەڵام رۆژی‮ ‬یەكشەممە‮ ‬15ـی‮ ‬ئەیلوولی‮ ‬رابردوو،‮ ‬مایك پۆمپیۆ لە‮ (‬تویت)ـەكەیدا راستەوخۆ‮ ‬ئێرانی‮ ‬تۆمەتباركردووە بەهێڕشەكانی‮ ‬سەر پاڵاوگە و كەرتی‮ ‬وزە و نەوتی‮ ‬سعودیە،‮ ‬ئەو نەوتەی‮ ‬كە هەموو جیهان سودی‮ ‬لێوەردەگرێت‮ (‬هەروەك پۆمپیۆ‮ ‬ڕایگەیاندووە‮).‬ بەشێنەیی‮ ‬و ئاماژە بە‮ (‬تویت)ـەكەی‮ ‬پۆمپیۆ،‮ ‬كەواتە‮ ‬ئێران‮ ‬دەستی‮ ‬گەیشت بەو وزەی‮ ‬كە هەمووجیهان عەوداڵیەتی‮. ‬شایانی‮ ‬باسە،‮ ‬لە چەند مانگی‮ ‬رابردوودا،‮ ‬ئێران‮ ‬هەژموونی‮ ‬خۆی‮ ‬لە تەنگەی‮ (‬هورمز‮) ‬سەپاندووە كە‮ ‬ڕێڕەوی‮ ‬نزیكەی‮ ‬%40ی‮ ‬وزەی‮ ‬جیهانە،‮ ‬هەروەها دوو هەفتە لەمەوپێش‮ ‬ئێران‮ ‬بەرزكردنی‮ ‬رێژەی‮ ‬پیتاندنی‮ ‬یۆرانیۆمی‮ ‬خۆی‮ ‬راگەیاند بۆ ئاستێك كە دەتوانێ لە ماوەیەكی‮ ‬كورتدا بگات بە دەروازەی‮ ‬یانەی‮ ‬چەكی‮ ‬ئەتۆمی‮ ‬جیهان‮. ‬بەم شێوەیە‮ ‬ئێران‮ ‬توانی‮ ‬ئەو فاكتەرانەی‮ ‬دەستكەوێت كە لە دانوستان و گفتوگۆكاندا بتوانێ مەچەكی‮ ‬ئەمریكای‮ ‬پێ بابدات و هیچ نەبێ‮ ‬جەخت و داكۆكی‮ ‬لە هەندێك خواستی‮ ‬سەروەری‮ ‬خۆی‮ ‬بكات‮. ‬لە لایەكی‮ ‬دیكەشەوە‮ ‬ئێران‮ ‬سیاسەتی‮ (‬پەنجە نەرمەكان‮) ‬پەیرەو دەكات و هەوڵە دیپلۆماسییەكانی‮ (‬بەئاشكرا و پەنا‮) ‬لە جۆشدان بۆ هێوركردنەوە و كۆنترۆڵكردنی‮ ‬قەیرانەكە و فەراهەم كردن و وەدەست هێنانی‮ ‬كاتی‮ ‬پێویست،‮ ‬تا ئەودەمەی‮ ‬ئەمریكا دەكەوێتە‮ ‬نێو جەنجاڵی‮ ‬هەڵبژاردنەكانی‮ ‬سەرۆكایەتی‮ ‬ئەمریكا2020 و بەڵكو دۆناڵد ترامپ لە هەڵبژاردنەكە دەرنەچێت،‮ ‬ئەگەر دەریش چوو ئەوكات كورد گوتەنی‮ (‬هەر سویكێك و بازارێكە‮).‬ ئێستا چەند پرسیارێك‮ ‬دێنە پێشەوە،‮ (‬ئایا ئەم رووداوە‮ -‬بۆمبەباران كردنی‮ ‬پاڵاوگە نەوتییەكانی‮ ‬سعودیە‮- ‬دەبێتە ئەگەری‮ ‬هەڵچوونی‮ ‬قەیرانی‮ ‬نێوان ئەمریكا و‮ ‬ئێران؟‮. ‬ئەی‮ ‬هەڵوێستی‮ ‬سعودیە چی‮ ‬دەبێت؟‮. ‬ئایا ئەمریكا پەرچەكرداری‮ ‬دەبێت بەرامبەر‮ ‬ئێران؟،‮ ‬گەر هەبوو پەرچەكردارەكە چی‮ ‬و چۆن دەبێت؟‮!) ‬ئەوە ئەگەر ئەمریكا پەرچەكرداری‮ ‬هەبوو؟‮!‬،‮ ‬یان ئەم رووداوە دەبێتە پاڵپشت و ئەگەری‮ ‬خوسەپاندنی‮ ‬ئەمریكا بەسەر وڵاتانی‮ ‬كەنداو‮ ‬بە پەیرەوكردنی‮ ‬سیاسەتی‮ (‬گیسكی‮ ‬هەیاس‮) ‬لەو دەڤەرەدا؟‮!.‬