بەبۆنەی جەژنی پیرۆزی رەمەزانەوە
بەبۆنەی هاتنەوەی جەژنی پیرۆزی رەمەزان، گەرمترین پیرۆزبایی لە موسڵمانانی كوردستان و عیراق و جیهان و، لە خانەوادە و كەس و كاری سەربەرزی شەهیدە نەمرەكان و پێشمەرگە قارەمانەکان و کادیر و جەماوەی دڵسۆزی پارتیمان و، سەرجەم ھێز و لایەنە نیشتمان پەروەرەکانی کوردستان دەکەین و، خوازیارین هەمیشە گەلەكەمان سەرفراز و شاد و بەختەوەر بێت و هەر رۆژێكی جەژن و كامەرانی بێت.
جەژنی پیرۆزی رەمەزان، هێمای لێبووردەیی و خۆشەویستی و خێر و خۆشیە بۆ گشت مرۆڤایەتی و موسڵمانان بەتایبەتی، بۆیە ئومێدەوارین ئەو بۆنە پیرۆزە هەوێنی پێكەوەژیان و تەبایی و دابینكردنی سەقامگیریی و ئاسوودەیی زیاتر بێت بۆ تەواوی چین و توێژ و پێكهاتەكانی گەلەكەمان.
جارێكی دیكە جەژنی پیرۆزی رەمەزان لە هەموو لایەك پیرۆز بێت و ھەر شاد و بەختەوەربن…
مەكتەبی سیاسی
پارتی دیموكراتی كوردستان
