هاوار مورتكەیی
ئەم هەڵبژاردنە زۆر گرنگە، چونكە ئەم هەڵبژاردنە لە قۆناغێكی هەستیار و گرنگ بەڕێوەدەچێت، ئەم هەڵبزاردنە هەلێكە بۆ دووبارە بەهێزكردنەوەی پێگەی كورد لە بەغدا، هەروەها ناچاركردنی ئەو لایەنانەی كە هێشتا بڕوایان بە دەستوور و مافی نەتەوەییەكانەوە نییە، بۆ هێنانەدی ئەو ئامانجەش لیستی 184ی پارتی دیموكراتی كوردستان بەرنامەیەكی تۆكمەی دارشتووە كە لەداهاتوودا بۆ داكۆكی كردن مافە سیاسی و دەستوورییەكان لە ئەنجوومەنی نوێنەرانی عێراق، و هەروەها پاراستنی قەوارەی سیاسی هەرێمی كوردستان، واتە لیستی 184 ئەو دەنگەیە كە هەمووان ئومێدیان پێی هەیە.
بەهێزكردنەوەی
پێگەی هەرێم
وەرزشوانانیش وەك تەواوی چینەكانی دیكە بە گرنگەوە دەڕواننە ئەم هەڵبزاردنە و پشتیوانی خۆیان لەو لیستە دەكەن كە ئومیدیان پێ هەیە لە بەغدا داكۆكی لە مافەكانیان بكات ودووبارە بەهیز كردنەوەی پیگەی هەرێمی كوردستان لە بەغدا، لەم راپۆرتەدا زمارەیەك وەرزشوان پشتیوانی خۆیان بۆ لیستی 184 دووپات دەكەنەوە:
هێنانەدی خەونی شەهیدان
مەڕوان محیدین راهێنەری تیپی سەلاحەدین دەڵێت: لەسەر هەمووان پیویستە خۆمان بۆ هەڵبزاردنەكانی ئەمجارە ئامادەبكەین و پشتیوانی لەو لیستە بكەین كە داكۆكی لە مافی كورد بكات لە بەغدا و مافە زەوتكراوەكانمان بسێنینەوە، بۆ ئەمەش لیستی 184 ی پارتی دیموكراتی كوردستان تاكە هیوای خەڵكی كوردستانە كە بتوانێت بەرگری لە دەسكەوت و مافەكانمان بكات، دەنگدان بە لیستی پارتی دیموكراتی كوردستان دەنگدانە بە هێنانەدی خەونی شەهیدانی رێگای رزگاریخوازی كوردستان، بۆیە دەنگ بەو لیستەش دەدەین لەمێزووی دوورو درێزی ئەو پارتە هەمیشە بەرزەوەندی باڵای هاوڵاتیانی لەپێش بەرزەوەندییەكانی دیكەوە داناوە و مێزوو شاهیدی ئەمە دەدەن.
گەیشتن بە
ئامانجەكان
دەشتی مەغدید یاریزان: ئەگەر سەیری بەرنامەی لیستەكەی پارتی دیموكراتی كوردستان بكەین كە بە دروشمی دەستكەوتی زیاتر بۆ كوردستان ) دەست پێدەكات ئەمە ئامازەیەكە كە ئامانجی ئەو لیستە گەیشتنە بە دەستكەوت و ئامانجی زیاتر بۆ گەلی كوردستان، ئێمەش بەڵێن دەدەین كە دەنگ بەو لیستە بدەین و گیانی شەهیدەكانمان ئاسوودە بكەین و ئومێدی زیاتر بە ئایندەی كوردستان بدەین، بۆ ئەوە دەنگ بە لیستی 184 دەدەین چونكە داهاتووی گەشی میللەتەكەمان لە كارنامەی ئەو لیستەوە دەبینین و دڵنیاین ئەو لیستە زۆر لە لیستەكانی دیكە كار بۆ نەتەوەكەمان دەكەن و بەڵگەش بۆ ئەمە هەڵوێستی پەڕلەمانتارنی پارتی بووە لە خولەكانی رابردووی ئەنجوومەنی نوێنەرانی عێراق.
پارتی پارێزەری ئەم قەوارەیە
هێزا هاوار یاریزانی تیپی سەلاحەدین: ئێمە ریفراندۆممان كرد بۆ ئەوەی گەلی كوردستان بە مافی چارەنووسی خۆی بگات، بینیمان چۆن ناحەزان و دوزمنانی ئەو مافە سەرەتاییە بەرامبەر ئێمه وەستانەوە، تاكە لایەن كە خۆی بەخاوەنی بەرگریكار لەو مافە زانی پارتی دیموكراتی كوردستان بوو، تاكە ئومێد مابێ كە گەلەكەمان ئاسوودە و سەربەرز بزی دەنگدانە بە لیستی 184ی پارتی دیموكراتی كوردستان، كە هەمیشە خاوەن هاتنەدی و پارێزەری ئەو قەوارەیە بووە كە ئەمرۆ لەسایەیدا دەگوزەرێین، پارتی لە بەغدا بەردەوام دەبێت لە تێكۆشان و گفتوگۆ بۆ ئەوەی گەلی كوردستان بە مافی چارەنووسی خۆی بگات، ئێمە وەكو گەنج بڕوای تەواومان بە كارنامەی لیستی پارتییەوە هەیە و دەنگی پێ دەدەین.
هەڵگری پەیامی سەربەخۆیی
یوسف بیلال یاریزان: پارتی قوربانی زۆری داوە بۆ گەیشتنی میللەتەكەی بە دوارۆزێكی گەش و هێنانەدی قەوارەیەكی سەربەخۆ كە لەسایەیدا بە سەربەرزی و ئاسوودەیی بزی و بە مافە یاسایی و دەستوورییەكانی خۆی بگات، رێبازی بارزانی رێبازێكە هەمیشە جەخت لە خۆڕاگری و ئاشتی و ئازادی كردۆتەوە، بۆ ئەمەش قوربانی و باجی زۆر داوە، تەنها لەپێناو گەیشتنی گەلی كوردستان بە ماف و سەربەخۆیی، بۆیە وەك گەنجێك دەنگ بە لیستی 184 ی پارتی دیموكراتی كوردستان دەدەم چونكە پارتی هەڵگری پەیامی سەربەخۆیی كوردستانە، خاوەنی ئەو كیانەیە كە وەك هەرێمێكی سەربەخۆ وڵاتان مامەلەیان لەگەڵ كردووە، دەنگی ئێمە بۆ ئەو لیستەیە و داهاتووی ئێمەش لەنێو كارنامەی ئەو لیستەدایە.
هەلوێستی پارتی و بەڕەنگاربوونەوەی دوزمن
عەلی وەیسی گۆڵچی: ئەگەر سەیری رابردوو بكەین و زۆر دووریش نەگەڕێینەوە دەبینین لەهەموو كایەكانی زیانەوە پارتی دیموكراتی كورستان سەرقافلەی لایەنەكانی دیكەی كوردستانی گرتووە لە بەدەستهێنان و گەیشتن بە ئامانج و بەرزەوەندییەكانی گەلەكەمان، وەك وەرزشوانێكیش ئەگەر باس لە وەرزشی كوردستان بكەین دەبینین وەرزش تەواو پێشكەوتنی بەخۆیەوە بینیوە بەتایبەتیش لەسایەی دەسەڵاتداری پارتی دیموكراتی كوردستان و وەك لایەنەكانی دیكە بایەخی باشی بە هەموو جۆرە وەرزشەكان داوە، لە بارەی لایەنەكانی دیكەی زیانیشەوە پارتی هەمیشە سەرقافلە بووە، لە بەرگری و لە ئازادكردنی ناوچە داگیركراوەكان لەلایەن رێكخراوی تیرۆریستی داعشەوە، كەواتە بۆ ئایندەیەكی گەشیشمان هەر ئومێدمان بە پارتی دیموكراتی كوردستانەوە هەیە، ئێمە دەنگ بە لیستی 184ی پارتی دەدەین چونكە دڵنیاین لە بەغداش سەرقافلەی هێزەكانی دیكە دەبێت بۆ داكۆكی كردن لە ملفەكانمان.
