یەكێتی تۆپی پێی ئیسپانیا ناوبژوان خۆسێ هێرناندێزی بۆ بەڕێوەبردنی یاری كلاسیكۆی نێوان بەرشلۆنەو ریال مەدرید كە لە 6مانگی داهاتوو لەسەر یاریگای كامپ نو بەڕێوەدەچێت دەستنیشانكرد، لەمیانی گەڕی 36 خولی ئیسپانیا. لیستی ناوبژیونی ناوبراو كە لە ساڵی 2014 پێناسی نێودەوڵەتی پێدراوە، پڕە لەهەڵەی كوشندە كە بەردەوام بەدوای هەردوو تیپەكەوەیە، لەوەرزی رابردوو هەڵەیەكی كوشندەی لەیاری بەرشلۆنە بەرامبەر ریال بێتیس ئەجامدا، كە دیارترین هەلەی ناوبراوە لەگەڵ یارمەتیدەرەكەی، دوای ئەوەی گۆڵێكی دروستی یانەی بەرشلۆنەی رەتكردەوە. ناوبژیوانی كەناری رابەرایەتی چەندین یاری كلاسیكۆی كردووە، دواینیان لەسەر یاریگای سانتیاگۆ برنابیۆ بوو لە 23ی نیسانی رابردوو، كە یانەی بەرشلۆنە بە 3-2گۆڵ سەركەوت، لەنێوەندی چەندین بڕیاری پڕ كێشمە كێش.
هێرناندێز لەو یارییەدا سێرگیۆ رامۆسی بەكارتی سور كردە دەرەوە دوای ئەوەی بەتوندی لەگەڵ مێسی جوڵاایەوە، هەروەها هاندەرانی یانەی بەرشلۆنە داوای دەركردنی یاریزان كارلۆس كاسیمێریان كرد دوای ئەوەی چەندین جار بەتوندی لەگەڵ یاریزانی ئەرژەنتینی جوڵایەوە، لەهەمان كاتدا یاریزانانی ریال رەخنەی هەژمار نەكردنی لێدانێكی سزایان ئاراستە كرد، دوای ئۆمتیتی بەتوندی لەگەڵ كریستیانۆ رۆناڵدۆ جوڵایەوە لەناو هەرێمی سزا، هەروەها لەكلاسیكۆی 2016 لەسە یاریگای كامپ نو سێرگیۆ رامۆسی بەكارتی سور دەركرد، كە یانەی شاهانە بە 2-1گۆڵ سەركەوت. جێگای وەبیرهێنانەوەیە یانەی بەرشلۆنە زۆر نزیكە لەیەكلایی كردنەوەی نازناوی خولی ئیسپانیا، كە تەنها پێویستی بەیەك خاڵ هەیە لە 5یاری داهاتوویدا، كە بە 83خاڵ پێشەنگی لالیگایان گرتووە بەجیاوازی 11خاڵ لەگەڵ یانەی ئەتلەتیكۆ مەدریدی خاوەن پلەی دووەم.
