سه‌ره‌تا kurdistanî Serokê Herêmê û Seroka Parlamentoyê beşdarî merasîma destbikarkirina Reîsî dibin

Serokê Herêmê û Seroka Parlamentoyê beşdarî merasîma destbikarkirina Reîsî dibin

2 min read
0
46

Rayedarên payebilind ên Herêma Kurdistanê beşdarî merasîma destbikarkirina Serokê nû yê Komara Îslamî ya Îranê Îbrahîm Reîsî dibin.

Biryar e roja pêncşemê, Serokê Herêma Kurdistanê Nêçîrvan Barzanî bi mebesta beşdarbûna merasîma destbikarkirinê ya Îbrahîm Reîsî, biçe Tehranê.

Herwiha çavkaniyek ji Parlamantoya Kurdistanê ji K24ê re ragihand; biryar e roja çarşemê 4ê Tebaxa 2021ê, Seroka Parlamentoya Kurdistanê Rêwas Fayeq biçe Tehranê, da ku beşdarî merasîmê bibe.

Di asta hikûmetê de jî, Wezîrê Ewqaf û Karûbarên Olî Piştîwan Sadiq, Wezîrê Rewşenbîrî Hemeyê Heme Seîd, Wezîrê Kar û Karûbarên Civakî Kiwêstan Mihemed, ku nûnertiya aliyên beşdarbûyên kabîneya nehem a Hikûmeta Herêma Kurdistanê dikin, beşdarî merasîmê dibin.

Herwiha Serokê Dîwana Serokatiya Herêma Kurdistanê Fewzî Herîrî jî beşdar dibe.

Biryar e sibe Îbrahîm Reîsî sonda yasayî bixwe û êvara roja pêncşema dawiya vê hefteyê di merasîmekê de bi fermî weke serokê hilbijartî yê Komara Îslamî ya Îranê dest bi kar bike.

Bêtir

Leave a Reply

Your email address will not be published. Required fields are marked *

Bêtir

Nêçîrvan Barzanî gihîşte Hewlêrê

Piştî serdaneke fermî ya çend rojiya birêz Nêçîrvan Barzanî Serokê Herêma Kurdistanê ya li…