سه‌ره‌تا kurdistanî Parlamentoya Kurdistanê piştgiriya rêkeftina Hewlêr û Bexdayê dike

Parlamentoya Kurdistanê piştgiriya rêkeftina Hewlêr û Bexdayê dike

2 min read
0
88

Parlamentoya Kurdistanê piştgiriya wê rêkeftinê dike ku şanda Hikûmeta Herêma Kurdistanê ligel Hikûmeta Federal a Iraqê encam daye û ji aliyê Lijneya Darayî ya Parlamentoya Iraqê ve hatiye pesenkirin. Biryar e, piştî vegera şanda Herêma Kurdistanê, naveroka rêkeftinê dê pêşkêşî parlamentoyê were kirin.

Di demekê de ku li Parlamentoya Kurdistanê çaverêya birgeya 11 ya projeyasayê tê kirin, ji bo ku li gor rêkeftinê li Parlamentoya Iraqê dengdan li ser were kirin, Endamê Lijneya Darayî yê li Parlamentoya Kurdistanê Behcet Elî diyar dike; Hikûmeta Herêma Kurdistanê hemû karên xwe kiriye, da ku li gor yasa û destûrê, bigihin rêkeftinê û weke Parlamentoya Kurdistanê jî, piştgiriya rêkeftinê dikin.

Endamê Fraksiyona Tevgera Goranê yê li Parlamentoya Kurdistanê Hawkar Rizgar Mihemed, vê rêkeftinê girîng û baş bi nav dike.

Di hemû rêkeftinên navbera Hewlêr û Bexdayê de, Hikûmeta Herêma Kurdistanê bi awayekî zelal naveroka rêkeftinê pêşkêşî Parlamentoya Kurdistanê kiriye, tê çaverêkirin ku piştî pesendkirina projeyasaya budceyê, şanda danûstankar hûrgiliyên rêkeftinê bîne ber Parlamentoya Kurdistanê, parlamento jî piştgiriya wê rêkeftinê dike, ku şanda Herêma Kurdistanê di projeyasaya budceya 2021ê ya Iraqê de bi cih kiriye.

Bêtir

Leave a Reply

Your email address will not be published. Required fields are marked *

Bêtir

Serokwezîr Mesrûr Barzanî vegeriya Kurdistanê

Serokwezîrê Herêma Kurdistanê Mesrûr Barzanî piştî serdana xwe ya Îmaratê vegeriya Kurdist…