سه‌ره‌تا kurdistanî Polonyayê alîkariyên bijîşkî pêşkêşî Herêma Kurdistanê kir

Polonyayê alîkariyên bijîşkî pêşkêşî Herêma Kurdistanê kir

3 min read
0
27

Îro çarşemê di çarçoveya hewlên Fermangeha Pêwendiyên Derve ya Hikûmeta Herêma Kurdistanê de ji bo bidestxistina alîkariyên bo aware û penaberan û alîkariya bijîşkî ji bo rûbirûbûna vîrusa Koronayê, di merasîmekê de hikûmeta Polonyayê bi amadebûna Balyozê Polonya yê li Iraqê, Konsulê Giştî yê li Herêma Kurdistanê, nûnerên Fermangeha Pêwendiyên Derve û Wezareta Tendirustuyê, bi qasî 3.5 ton kelûpel û pêwîstiyên bijîşkî pêşkêşî Wezareta Tendirustiyê ya Herêma Kurdistanê kir.

Berpirsê Pêwendiyên Derve yên Herêma Kurdistanê Sefin Dizeyî ji ber alîkariyan spasiya hikûmeta Polonyayê kir û ragihand; piştevaniyên Konsulxaneya Giştî ya Polonyayê ya li Hewlêrê û Balyozxaneya li Bexdayê û Wezareta Derve ya Polonyayê bilind dinirxînin, bi taybetî jî di vê dema pêwîst de.

Nûnerê Hikûmeta Herêma Kurdistanê yê li Polonyayê Ziyad Reûf jî ragihand; Hikûmeta Polonyayê û desthilatên xwecihî û saziyên xêrxwaziyê bi dehan karwanên alîkariyê bi barhilgir û balafirên taybet şandine ji bo aware û penaberên nişteciyên Herêma Kurdistanê.

Ziyad Reûf herwiha diyar kir; Nûnertiya Herêma Kurdistanê di hewldanên xwe ji bo berhevkirina pêwîstiyên herî nû û alîkariyên lojîstîk û mirovî de berdewam e.

Reûf eşkere kir ku ji bilî alîkariyên madî, Polonyayê li ser pêşniyar û hewldanên Nûnertiya Hikûmeta Herêmê, xelata navdewletî ya Sergio de Mello daye Dezgeha Xêrxwazî ya Barzanî ji ber çalakiyên wê yên di gihandina alîkariyên mirovî bo awareyan de.

Bêtir

Leave a Reply

Your email address will not be published. Required fields are marked *

Bêtir

Serokê Herêma Kurdistanê pêşwaziya Serokê (UNITAD) kir

Nîvroya îro dûşem 19.04.2021 birêz Nêçîrvan Barzanî Serokê Herêma Kurdistanê, pêşwaziya bi…