سه‌ره‌تا kurdistanî Serokê Hevpeymaniya Niştimanî ya Opozîsyona Sûriyê ligel ENKSê civiya

Serokê Hevpeymaniya Niştimanî ya Opozîsyona Sûriyê ligel ENKSê civiya

3 min read
0
31

Serokê Hevpeymaniya Niştimanî ya Opozîsyona Sûriyê Nesir Herîrî li bajarê Hewlêrê ragihand; ligel ENKSê Rewşa siyasî, geşedanên li herêmê, şerê terorê, rewşa mirovî li Sûriyê û astengên ku li herêmê derketine holê, gotûbêj dikin.

Nesir Herîrî li paytexta Herêma Kurdistanê bajarê Hewlêrê ligel Encûmena Niştimanî ya Kurdî (ENKS) civiya û berî civînê bersiv da pirsên rojnamevanan.

Serokê Hevpeymaniya Niştimanî ya Opozîsyona Sûriyê Nesir Herîrî ragihand: “Em spasiya birayên me yên li Encûmena Niştimanî ya Kurdî ya Sûriyê (ENKS) dikin, ku ew pêkhateyeke girîng e û pêwendiyeke me ya baş ligel Herêma Kurdistanê heye. Em rûbirûyî astengên hevbeş bûne li herêmê, ku ji wan herî girîng; reftarên xirab ên Îranê ye li herêmê.”

Li ser rola Herêma Kurdistanê di pêşwazîkirina awareyên Sûriyê de diyar kir: “Rola Herêma Kurdistanê di şoreşa Sûriyê de roleke mezin bû di pêşwazîkirina awareyan de.”

Li ser mijarên ku di civînê de werin axaftin eşkere kir: “Rewşa siyasî, geşedanên li herêmê, şerê terorê, rewşa mirovî li Sûriyê û astengên ku li herêmê derketine holê.”

Nesir Herîrî got: “Em dixwazin Sûriye, ya xelkê Sûriyê bibe, ti ajendayeke derve li Sûriyê tunebe.”

Li ser binpêkirinên li herêma Efrînê diyar kir: “Ez nabêjim rewş ji sedî sed baş e, li wan deverên azadkirî asteng û pirsgirêk hene. Pênc milyon welatiyên Sûriyê tê de dijîn, hemû pêkhateyên gelê Sûriyê tê de dijîn. Şaneyên razayî yên Qaîde û rejîm û milîsên Îranê tê de hene, heta PKK jî heye.”

Bêtir

Leave a Reply

Your email address will not be published. Required fields are marked *

Bêtir

Serokê Herêma Kurdistanê pêşwaziya Serokê (UNITAD) kir

Nîvroya îro dûşem 19.04.2021 birêz Nêçîrvan Barzanî Serokê Herêma Kurdistanê, pêşwaziya bi…