سه‌ره‌تا Derve Şer sekinî û Ermenistan bajarên Qerebaxê radestî Azerbaycanê dike

Şer sekinî û Ermenistan bajarên Qerebaxê radestî Azerbaycanê dike

1 min read
0
814

Serokwezîrê Ermenistanê Nîkol Paşînyan û Serokomarê Azerbaycanê Îlham Aliyev bi navbeynkariya Serokê Rûsyayê Vladimir Putin, ji bo bidawîkirina şerê herêma Nagorno-Qerebaxê, peymaneke agirbestê îmze kir.

Nîkol Paşînyan eşkere kir: “Ez nikarim wesfa jana wê peymanê bikim, lê piştî nirxandina rewşa serbazî û nirxandina kesên şareza, min ev biryar da.”

Piştî îmzekirina biryara agirbestê, Serokê Herêma Nagorno-Qerebaxê Arayik Harutyunyan peyamek arasteyî gelê xwe kir û got: “Êdî şer rawestiya.”

Serokê Rûsyayê Vladimir Putin ragihand ku serkirdeyên Ermenistan û Azerbaycanê li ser rawestandina şer li hev kirin.

Li gor rêkeftinê; divê Ermenistan heta 15ê vê mehê, devera Kîlbicar radestî Azerbaycanê bike. Herwiha divê heta 1ê Kanûnê devera Laçîn vala bike. Di rêkeftinê de qala bajarê Şuşa nehatiye kirin, çimkî Azerbaycan duh ragihand ku ketine wî bajarî. Herwiha heta 20ê vê mehê jî divê devera Egdam jî radestî Azerbaycanê were kirin.

Bêtir

Leave a Reply

Your email address will not be published. Required fields are marked *

Bêtir

Serokê Herêma Kurdistanê pêşwazî li biryara dadgeha Almanya li ser cînosayda êzîdiyan kir

Serokê Herêma Kurdistanê Nêçîrvan Barzanî pêşwazî li biryara dadgeha Almanya kir bo mehkûm…