خەبات: ڕۆشنا عەلی:- یەكێتی مامۆستایانی كوردستان چەند پێشنیارێك بۆ دەستپێكردنەوەی ساڵی نوێی خوێندن 2020-2021 دەداتە وەزارەتی پەروەردە ، یەكێتی مامۆستایانی كوردستان لە یاداشتێكدا كە كۆپیەكی دەست رۆژنامەی خەبات كەوتووە ئاماژەی بەوەكردووە كە پێویستە 30 ڕۆژ جارێك بێ‌ لێبڕین مووچەی مامۆستایان دابین بكرێت ، هەروەها لەبارەی خوێندنەوە ئاماژە بەوە دەكات كە  پێویستە سیستەمێكی خوێندنی تێكەڵاو پەیڕەو بكرێت بە جۆرێك ئەوەندەی لە ناو پۆلەكان دەخوێنرێت ئەوەندەی تر لە ڕێگای ئەلیكترۆنی ئۆنلاین پەیڕەو بكرێت واتە ئەگەر پۆلێك 40 قوتابی تێدا بێت دەكرێت بكرێتە دوو بەش 20 قوتابی شەممە و یەك شەممە و دووشەمەلە قوتابخانە بخوێنن و  20 قوتابی ترلە ماڵەوە بە ئۆنلاین بخوێنن  سێ‌ شەممە و چوار شەممە و پێنچ شەممەش پێچەوانە بكرێتەوە واتە سێ‌ ڕۆژ دەوامبكرێت ،  لە لێدوانێكی تایبەتیش بە ڕۆژنامەی خەبات ئەحمەد گەرمیانی  سەرۆكی یەكێتی مامۆستایانی كوردستان بۆ خەبات وتی: ئەمانە تەنها پێشنیارن و ڕەشنوسێكە كە پێشكەشی وەزارەتی پەروەردەی دەكەین و ئەوانیش پێشكەشی ئەنجومەنی وەزیرانی حكومەتی هەرێمی كوردستانی دەكەن و بڕیاری لە بارەوە دەدرێت ، لەبارەی كردنەوەی ناوەندەكانی خوێندنیش لە مانگی ئەیلول ئەحمەد گەرمیانی وتی: جارێ‌ هیچ بڕیارێك نەدراوەو تەنها دەنگۆیە 

هەرلە پڕۆژە پێشنیازەكەدا یەكێتی مامۆستایان داوای كەمكردنەوەی پڕۆگرامی خوێندن و چڕكردنەوەی دەكات بە جۆرێك كە كاتژمێرەكانی خوێندن كەمبكرێتەوە بەكەمكردنەوەی خشتەی وانەكانی خوێندن و وەرزی خوێندن درێژ بكرێتەوە و داواش دەكات سەرجەم چالاكییەكانی وەرزشی و هونەری قوتابیان لە قوتابخانە كەمبكرێتەوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

كامێلا هریچینكۆ: شانازی بەوەدەكەم لە 2018 ناسناوی ئەورووپا و لە 2019 ناسناوی جیهانم بەدەستهێنا

خەبات: هاوار مورتكەیی:-  (رۆژێك لەگەڵ دایكم لە قوتابخانەی میوزیك دەگەڕاینەوە، لەناكاو چەند…