گوتەبێژی کۆشکی سپی جین ساکی رایگەیاند: لێدوانەكانى سەرۆکوەزیرانی ئیسرائیل بنیامین نەتانیاھو بەوەی کە ئامادەیە گرژی بخاتە نێو پەیوەندییەکانیان لەگەڵ ئەمریکا لەپێناو رێگرتن لە ئێران بۆ ئەوەی ببێتە خاوەن چەکی ئەتۆمی، ھەڵوێستی تایبەتی خۆیەتی و گوتی: ھەڵوێستمان لە بابەتی رێککەوتنی ئەتۆمی لەگەڵ ئێران نەگۆڕاوە.

جین ساکی لە میانی کۆنگرەی رۆژنامەوانی رۆژانەی خۆیدا لە کۆشکی سپی، لە وەڵامی لێدوانەکانی سەرۆکوەزیرانی ئیسرائیل بنیامین نەتانیاھو بەوەی کە ئامادەیە گرژی بخاتە نێو پەیوەندییەکانیان لەگەڵ ئەمریکا لەپێناو رێگرتن لە ئێران بۆ ئەوەی ببێتە خاوەن چەکی ئەتۆمی، گوتی، ئەم لێدوانانە ھەڵوێستی نەتانیاھو خۆیەتی.

بەرپرسیارێتی ئێمە و سەرۆک بایدن کارکردنە بەگوێرەی بەرژەوەندییەكانى ئەمریکا، جەختی لەوەش کردەوە کە لەگەڵ کشانەوەی ئیدارەی دۆناڵد ترەمپ لە رێککەوتنی ئەتۆمی لەگەڵ ئێران، بینینی توانای ئەتۆمی ئەم وڵاتەیان لەدەستداوە و گوتی، دەمانەوێت بە ئەنجامدانی رێککەوتنی دیپلۆماتی لەگەل ئێران، دووبارە ئەم بینینە بەدەست بھێنینەوە. ھەر وەکو لە ساڵانی رابردوودا کردوومانە بەردەوام دەبین لە پێدانی زانیاری بە ئیسرائیل، بەڵام ھەڵوێستمان لە بابەتی رێککەوتنی ئەتۆمی لەگەڵ ئێران نەگۆڕاوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

ته‌ندروستی هه‌رێم: 239 كه‌سی دیكه‌ تووشی كۆرۆنا بوون

تەندروستی هەرێم ئاماری 24 كاتژمێری رابردووی نه‌خۆشی كۆرۆنای بڵاوكرده‌وه‌ رایگه‌یاند: 239 ك…