مه‌كته‌بی سیاسی پارتی دیموكراتی كوردستان په‌یامی پیرۆزبایی ئاراسته‌ی محه‌مه‌د حه‌لبووسی سه‌رۆكی هاوپه‌یمانی ته‌قه‌دووم كرد به‌بۆنه‌ی هه‌ڵبژاردنه‌وه‌ی وه‌ك سه‌رۆكی ئه‌نجوومه‌نی نوێنه‌رانی عێراق.

ده‌قی په‌یامه‌كه‌ی مه‌كته‌بی سیاسی پارتی بۆ محه‌مه‌د حه‌لبووسی:-

برای بەڕێز محەمەد حەلبووسی سەرۆکی ئەنجوومەنی نوێنەرانی عێراقی فیدراڵ، بەبۆنەی بەدەستھێنانی دەنگ و متمانەی زۆرینەی ئەندامان و دووبارە ھەڵبژاردنەوەتان بە سەرۆکی ئەنجوومەنی نوێنەرانی عێراقی فیدراڵ، پیرۆزبایی گەرممان ئاراستەی بەڕێزتان دەکەین.

ئومێدەوارین بەھاوکاری و پاڵپشتی ھەموولایەک سەرکەوتووبن لەو ئەرکە نیشتمانی و گرینگەتاندا و رۆڵی چاوەڕوانلێکراوی خۆتان ببینن لە پتەوکردنی پایەکانی دیموکراسی و حوکمڕانی مەدەنی و، چەسپاندنی بنەما سەرەکییەکانی دروستکردنەوەی عێراقی نوێ لەپێناو ئاشتەوایی و سەقامگیری و بەدیھێنانی خواست و داواکانی گەل و پێکھاتەکان و پێشکەوتنی وڵات، کە ئەمەش ئامانجی ھاوبەشمانە و بۆ بەدیھێنانیان ھاوکار و ھەماھەنگ و پاڵپشت دەبین.

دووبارە پیرۆزباییتان لێدەکەین و، ھەر سەرکوتووبن.

مەکتەبی سیاسی پارتی دیموکراتی کوردستان 9ـی کانوونی دووەمی 2022

بابه‌تی تر

ئەم رێگایانەی هەرێمی کوردستان کرانەوە

رێگاکانی مەرزی کێلێ و شێنێ و زەڵێ و چەند رێگایەکی دەڤەری راپەڕین کە بەهۆی بەفربارینەوە داخ…