سه‌رۆك بارزانی به‌ بۆنه‌ی دانانی پاتریاركی نوێی كه‌نیسه‌ی رۆژهه‌ڵاتی ئاشووری له‌ جیهان پیرۆزبایی له‌ قه‌داسه‌تی پاتریارك مار ئاوای سێیه‌م كرد و هیوای سه‌ركه‌وتنی بۆ خواست.

ده‌قی په‌یامه‌كه‌ی سه‌رۆك بارزانی

بەناوی خودای گەورەو میھرەبان

بەبۆنەی دانانی پاتریارکی نوێی کەنیسەی ڕۆژھەڵاتی ئاشووری لە جیھان،  پیرۆزبایی لە قەداسەتی پاتریارک مار ئاوای سێیەم دەکەم و ھیوای سەرکەوتنی بۆ دەخوازم.

ھیوادارم دەستبەکاربوونی قەداستی پاتریارک مار ئاوای سێیەم ببێتە ھۆی پەرەپێدان و قوڵتربوونی کولتووری پێکەوەژیانی نێوان پێکھاتەکان و ئاشتی و ئارامی لە ناوچەکەمان و جیھاندا.

ھەر لێرەشدا جەخت لەوە دەکەمەوە کە کوردستان وەک تابلۆی جوانی پێکەوەژیان و ئازادی ئایینی و بیروڕا دەمێنێتەوەو ھیچ ھێزێک ناتوانێ ئەو ئاشتی و جوانی و پێکەوەژیانە تێکبدات.

مسعود بارزانی

13ـی ئەیلوولی 2021

بابه‌تی تر

سەرۆک بارزانی و باڵیۆزی ھیندستان هەڵبژاردنی عێراق تاوتوێ دەکەن

ئەمڕۆ یەکشەممە 19ـی ئەیلوولی 2021 لە سەلاحەددین سەرۆک مەسعود بارزانی، پێشوازی لە پراشانت پ…