بەڕێوەبەرایەتی پۆلیسی پارێزگای هەولێر لە راگەیەندراوێکدا ئاشکرای کرد کە پۆلیس”تۆمەتبارێکی مەترسیدار”ی دەستگیرکردووە کە بە هۆی تەقەکردنەوە هاووڵاتیانی بێزار کردووە و ئۆتۆمبێلی جامڕەش و بێ ژمارەی پێبووە و بازرگانیی بە ماددەی هۆشبەرەوە کردووە.

پۆلیسی هەولێر رایگەیاندووە “بەشی پۆلیسی ناوشار / رۆژهەڵات، بنكەی پۆلیسی سەروەران، پاش ئاگاداركردنەوەیان لە بوونی چەندین حاڵەتی تەقەكردن و بێزاركردنی هاووڵاتیان بە ئۆتۆمبێلی جامڕەش و بێ ژمارە و بەكارهێنان و بازرگانیكردن بە ماددەی هۆشبەر و حەبی بێهۆشكەر و چەند حاڵەتێكی دیكەی شەڕفرۆشتن بە خەڵك و تەعەداكردن لێیان، لەسەر فەرمانی بەڕێوەبەری پۆلیسی پارێزگای هەولێر، تیمێكی تۆكمەی لێكۆڵینەوەیان پێكهێنا و دوای بەدواداچوونێكی ورد و چڕ و بەدەستهێنانی زانیاری، توانییان شوێنی تۆمەتبارێكی مەترسیدار بە ناوی (س.ر.ح) لە گەڕەكی پێنجی حەسارۆك ئاشكرا بكەن و بە پلانێكی وردی بەرنامە بۆ داڕێژراو، دەستگیری بكەن”.

پۆلیسی هەولێر ئاماژەی بە ئەوەش داوە کە تۆمەتباری ئاماژەپێكراو، كە بەپێی ماددەكانی (456) و (432) و (405/31) لە یاسای سزادان فەرمانی دەستگیركردنی هەبووە و چوار سكاڵای یاسایی لەسەر تۆمار كراوە، لە كاتی دەستگیركردنیدا لە شوێنی حەوانەوەی، دەست بەسەر (152 گرام ماددەی هۆشبەر لە جۆری كریستاڵ، 421 گرام جامایكا، 35 گرام حەشیش، 78 پارچە حەبی ترامادۆڵ، 6 چەكی جۆری كلاشنكۆف، 7 نارنجۆك، 2 ئۆتۆمبێلی جۆری كیا كادێنزا و نیسان سەنییەكی ژمارە ستاختە)ـدا گیراوە.

بەپێی راگەیەندروەکەی پۆلیسی پارێزگای هەولێر، تۆمەتبارەکە دانی نا بە تاوانەكانیدا ناوە و بە بڕیاری دادوەر و بەپێی ماددە (421) لە یاسای سزادان، راگیراوە و لێكۆڵینەوەش لەگەڵیدا بەردەوامە.

بابه‌تی تر

سەرجەم دەسەڵاتە داراییەکانی بەڕێوەبەری بانکی هەرێم لە سلێمانی ڕاگیرا

بە بڕیاری وەزیری دارایی و بەهۆی دواکەوتنی مووچەوه‌، سەرجەم دەسەڵاتە داراییەکانی بەڕێوەبەری…