بە مەبه‌ستی پاراستنی سەلامەتیی گیانی هاووڵاتییان لە په‌تاى کۆرۆنا و هەوڵدان بۆ کەمکردنەوەی تەشەنەکردنی په‌تاكه‌، له‌ هه‌ولێر هەڵمەتێکی هۆشیاریی خۆپارێزیى له‌ كۆرۆنا ده‌ست پێكرا.

ئه‌مڕۆ سێشه‌ممه‌ 6/4/2021، پارێزگارى هه‌ولێر و كونسوڵى گشتیی ئه‌ڵمانیا له‌ هه‌رێمى كوردستان، هه‌ڵمه‌تێكی هۆشیارییان بۆ خۆپارێزى له‌ كۆرۆنا له‌ به‌رده‌م قایمقامیه‌تى هه‌ولێر ڕاگه‌یاند، لە میانی دەستپێکردنی هەڵمەتەکەدا ئومێد خۆشناو، پارێزگاری هەولێر ڕای گەیاند: “سەرباری ڕێوشوێنەکانی حکوومه‌تى هه‌رێمى كوردستان بۆ ڕووبه‌ڕووبوونه‌وه‌ى كۆرۆنا، بەڵام ڕۆژانە تووشبوون بە کۆرۆنا و مردن بە هۆیەوە لە هەڵکشاندایە، بۆیە ئێمە لە دوایین هەنگاودا هەموو هاتوچۆیه‌كمان لەگەڵ ناوەڕاست و خوارووی عیراق ڕاگرتووە، ئەمڕۆ ئەم هەڵمەتە ڕادەگەیەنین، وێڕای هیوای سەلامەتی بۆ هاووڵاتییان ده‌خوازین، بەڵام داواکارین هێشتا پابەندی ڕێنوێنییه‌كان بن و خۆیان بپارێزن”.

گوتیشى: “ئێمە جگە لەو هەنگاوانەش، ئەوەتا هەڵمەتی هۆشیاری و دابەشکردنی ماسک ئەنجام دەده‌ین، هەم بەو توانایەی هەمانە، هەمیش لە ڕێگەی ئەو هاوکارییانەی دەگاتە دەستمان، وەک ئەم هەڵمەتەی ئەمڕۆ کە بە هاوکاریی ئەڵمانیا بەڕێوە دەچێت”.

ئەم هەڵمەتەی ئەمڕۆ ڕاگەیەنرا، بریتییه‌ له‌ دابەشکردنی ماسک و ماددەی پاککەرەوە بەسەر کاسبکارانی ناو شاری هەولێر.

بابه‌تی تر

تا چوار ڕۆژی دیکە دەوامی بەشێک لە زانکۆکانی سنووری سلێمانی ڕادەگیرێت

زانکۆکانی سلێمانی و هەڵەبجە و پۆلەتەکنیکی سلێمانی بۆ ماوەی چوار ڕۆژ دەوامیان ڕاگرت. لە ڕاگ…