سەلام عەبدوڵڵا

رۆژی (26/5/2021) لە ماڵپەڕی کوردستانی نوێ، نووسینێکی کاک ستران عەبدوڵڵا بە ناوی (لە پایتەختی فیدڕاڵەوە تا پایتەختی رۆشنبیری) بڵاوکراوەتەوە کە بە نووسینەکەدا دیارە فەرمانی پێکراوە بەوجۆرە هەڵیبڕێژێت، دەنا خۆی بەوجۆرە نە دەنووسێت و نە دەیٔاخڤێت، بەڵام چونکە نووسینەکە بە ناوی خۆیەوەیەتی یٔێمەش وەڵامی خۆی و یٔامرەکەی دەدەینەوە. هەرچەند ترش و خوێش کراوەو بە گوێزی هەورامان و گێوژی خۆماڵی و ڕتوش کراوە بە کەشناسی سلێمانی، هۆرەی گەرمیان و لاوکی بادینان، کە نازانرێت یٔەمەی نووسراوە تەنزە یان بابەتێکی سیاسییە.

بەڵام با یٔێمە مەسەلەکە بە جدی وەربگرین و وەڵامی یٔەو بوختان و درۆ و ناڕاستییانە بدەینەوە کە دەیانەوێ لەو رێگەیەوە پەردەپۆشی غەرقاندنی ناوچەکانی ژێردەستیان لە گەندەڵی و بێدادی و بێسەروبەری و بێ هیوایی و تا یٔاستی خاکفرۆشی و تێکدانی قەوارەی هەرێم بدەینەوە و راستییەکان بۆ جەماوەر بخەینەڕوو.

یٔەم گڕگرتنەی ستران و هاوشێوەکانی بۆ یٔەوەیە کە رۆژ لەدوای رۆژ راستییەکانی یٔەو دەڤەرە و گەندەڵکاری بێ سنووری، بەتایبەتی لە داهاتی سنوورەکان یٔاشکرا دەبن، نەک لەلایەن پەرلەمانتاری پارتی و لایەنگرانی پارتیمانەوە، بەڵکوو لەلایەن یٔەندام پەرلەمانی لایەنەکانیتر و خەڵکانی بێ لایەنەوە کە بە دۆکیۆمێنت و بەڵگەوە لە سەر شاشەی تەلەفزیۆنەکان یٔاشکرای دەکەن و ناتوانن وەڵامی بدەنەوە، بۆیە پەنا بۆ (تەنز) و (قسەی نەستەق) دەبەن.

ستران دەڵێ: یٔێوە خەتای پایتەختی فیدڕاڵ و پایتەختی رۆشنبیری دەگرن کە پارە بۆ پایتەختی هەرێم نانێرن.

بەڵێ پایتەختی فیدڕاڵ لەسەریەتی بەپێی دەستوور، بودجە و مووچەی هەرێم بنێرێت کە لە (2014)ەوە بە یٔامۆژگاری و رێنمایی برادەرانی یٔێوە بڕیویەتی و ناینێرێت.

یٔێوەش مادام داوای بودجە و مووچە لە پایتەختی هەرێم دەکەن، دەبێ داهاتی ناوچەکەتان و سنوورەکان، بە دەستپاکی، مانگانە بنێرن، کە یٔەرکی سەرشانی خۆتانە. جا یٔێوە کە لەوێ ناوێرن هیچ قسەیەک بکەن، یٔەوە خەتای پایتەختی هەرێم نییە و ترسنۆکی و بێ باکی خۆتانە.

یٔێوە کە باسی مووچەی خەڵک دەکەن و خەمی بۆ دەخۆن، لەوەش راست ناکەن، چونکە هەر خۆتان دەتانتوانی بە داهاتی دەروازەی مەرزی (باشماخ) و (پەروێزخان) تەواوی مووچەی زۆنەکەتان بدەن، بەڵام نایدەن و لە باتیی، خەڵک بە نووسینیش چەواشە دەکەن و یٔێمە دەخەنە ژێر پرسیارەوە؟

یٔێستا خەڵکی سلێمانی و دەورووبەری زۆرباش لە چەواشەکارییەکانتان تێدەگات، چونکە نووسینگەکانی هاوردنی قاچاخ بە فەرمی لە سەهۆڵەکە و ناو بازاڕی قاچاخ، کاری خۆیان بەیٔاشکرا و بێ پەردە دەکەن.

جا هاوردەی دووگی چەوری ماوەبەسەرچووی یٔێرانی بێ یان کۆکاکۆلای یٔێکسپایەری تورکی یان تەنە خۆرمای گەنیو و دۆشاوی ترشاوی وڵاتان بێت. یٔەمانە نەک تەنیا کاری ناڕەوای قاچاخن بەڵکوو تاوانیشن بەرامبەر هاووڵاتیان.

مەسەلەی گواستنەوەی نەوتیش بەپێی رێککەوتن یٔاشکرا کراوە و لای بەرپرسانی خۆتان زانیاری تەواو هەیە و چەواشەکاری بە دەردی کەس ناخوات. رێککەوتنی پەنجا ساڵە لەگەڵ تورکیا چەندینجار لە سەر تیڤی و لە پەرلەمان و لە کۆنفڕانسی رۆژنامەوانیدا یٔاشکرا و بەرپرسانی خۆتان رەزامەندییان نواند و جێگری سەرۆکوەزیرانی پێشوو لە پشکی خۆتان بوو بە یٔاشکرا وتی: یٔاگاداری هەموو مەلەفی نەوتم.

سەبارەت بە کۆنگرەی حزبمان، یٔێمە تا یٔێستا (13) کۆنگرەمان بە سەرکەوتوویی بەستووە و بەرەو چواردەهەم دەچین، یٔێوەش لە ماوەی (46) ساڵدا تەنیا (4) کۆنگرە!!.

لەکۆتاییدا دەڵێین:

کاک ستران بەو زمانە خزمەت بە تەبایی و یەکڕیزی و کاری هاوبەش ناکات، بۆیە بە هێواشی و بە هێوری، نووسین و لێدوان گەلێ چاکترە!

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

ته‌ندروستی هه‌رێم: 239 كه‌سی دیكه‌ تووشی كۆرۆنا بوون

تەندروستی هەرێم ئاماری 24 كاتژمێری رابردووی نه‌خۆشی كۆرۆنای بڵاوكرده‌وه‌ رایگه‌یاند: 239 ك…