خەبات: هاوار مورتكەیی:- ماریا تیمچینكۆ Tymchenko Maria كچە تازەپێگەیشتوویەكی وڵاتی ئۆكرانیایە لە ساڵی 2010 لەدایك بووە، ئەو لەو تەمەنە بچووكەیدا چەندین جار توانیویەتی پلەی یەكەمی سەر وڵاتەكەی بەدەست بهێنیت، دروشمی ئەو خۆبەدەستەوەنەدانیەتی لەهەر پاڵەوانێتییەكدا، ماریا لە دیمانەیەكی تایبەتی لاپەڕەی خەباتی وەرزش باس لە كلروانی ژیان و دەسكەوتەكانی لە بواری شەترەنجدا دەكات.

بەردەوامبوون تا ئێستا
ماریا ئەو منداڵەی لە خانەوادەكەیەوە فێری ئەو یارییە بووە و هەر زوو لەبەر لێهاتوییەوە شەترەنج فێر دەبێت و بەشداری پاڵەوانێتییەكانی ناوچەی خیرسۆن لە ئۆكرانیادا دەكات و دەڵێت: لە راستیدا خەڵك زۆر بایەخ بە شەترەنج نادەن، لەبەر ئەوەی وەرزشی دیكە زۆرن، بەڵام خانەوادەكەم‌ زۆر پشتیگیریم بوون تا ئێستاشی لەگەڵدابێت، ئەوان دەیانبردمە سەنتەر و یانەكانی شەترەنج، لەوكاتییە تا ئێستا شەترەنج دەكەم.

لە 5 ساڵییەوە بەشداری كرد
هەروەها ماریا لەبارەدەسكەوتەكانییەوە گوتی: بۆیەكەمینجار لە تەمەنی 5 ساڵییەوە بەشداری پاڵەوانێتی فەرمیم كرد، لەسەر ئاستی نێودەوڵەتیش لە ساڵی 2019 بەشداری پاڵەوانێتی باكۆی كراوەم كرد و توانیم 9 خاڵ لە 9 كۆبكەمەوە و پلەی یەكەم بەدەست بهێنم، هاوینی رابردووش لە پاڵەوانێتی ئۆكرانیای خوار 12 ساڵی بەشداریم كرد و لە 7 خاڵ توانیم 5 خاڵ كۆبكەمەوە، لە ساڵی رابردووش لە پاڵەوانێتی كراوەی ئۆكرانیای خوار 10 ساڵ توانیم پلەی دووەم بەدەست بهێنم.

سوودی پێدەگەینێت
لەكۆتاییدا ماریا تیمچینكۆی ئۆكرانی گوتی: شەترەنج زۆر سوودم پێدەگەیەنێت و دەمەوێ سوپاسی شەترەنج بكەم، لەبەر ئەوەی دەرفەتی گەشتی وڵاتانم بۆ دەرەخسێنێت، هەروەها فێری ئەوەی كردم كە دان بەخۆدابگرم و خۆ بەدەستەوەنەدەم.

بابه‌تی تر

ڕۆشنگەری لە مێژووی سەد ساڵەی پارتی کۆمیونستی چینی

نی ڕووچی  لە ڕۆژانی ٨ بۆ ١١ ی تشرینی دووەمی ٢٠٢١ , شەشەهەمین کۆبوونەوەی گشتی ١٩یەمین لێژنە…