خەبات: هاوار مورتکەیی:- بەدروشمی لاوان شورای پۆڵاینن، ناوەندی چالاكی و پێگەیاندنی شاوێسی سەربە یەكێتی لاوانی دیموكراتی كوردستان لەدرێژەی كارو چالاكییەكانیداو لەرێورەسمێكدا بە ئامادەبونی خدر عەلی سادق كاندیدی ژمارە 20 لەبازنەی دووی پارێزگای هەولێرو هاندەرێكی زۆری وەرزشی سنوورەكە. كۆتایی هێنا بەخولێكی تۆپی پێ‌ ی بچووككراوە كە بۆ 16 تیپی سنورەكە وەك ئاماژەیەك بۆ 16 ی ئاب یادی پڕشكۆی دامەزراندنی پارتی دیموكراتی كوردستان كردبوویەوە.

دوای ركابەرییەكی بەهێز لەنێوان تیپە بەشداربووەكانی خولەكەو پێشكەشكردنی چەندین نمایشی جوان سەرن راكێشی وەرزشی، هەردوو تیپی لاوانی ئاریافۆن و ئەستێرە گەیشتنە یاری كۆتایی و لەیارییەكی پڕتام و چێژی وەرزشیدا تیپی لاوانی ئاریافۆن توانی بەتاكە كۆلێك كۆتایی بەیارییەكە بهێنێت و نازناوی خولەكە بباتەوە.

لەكۆتاییدا میدالیاو جامی خولەكەو بەسەر تیپە سەركەوتووەكاندا دابەشكراو خەڵاتی تایبەتیش بەباشترین یاریزان و گۆڵپارێزی خولەك بەخشرا.

بابه‌تی تر

وەک چۆن پێویستە لە هەڵەی کەسێک فێربین ئاواش گرنگە سەرکەوتنەکانی کەسێک بەرز بنرخێنین

فەرحان جەوهەر ناونیشانی سەرەوەی ئەم وتارە، پەرەگڕافی کۆتایی وتارێکی نێچیرڤان بارزانی سەرۆک…