شه‌وی رابردوو له‌ شاری كه‌ركووك به‌هۆی هه‌ڵواسینی پۆسته‌ری شاخه‌وان عه‌بدوڵڵا، كاندیدی پارتی دیموكراتی كوردستان له‌ بازنه‌ی 1ی پارێزگای كه‌ركووك، دوكانێك سووتێنرا و شاخه‌وان عه‌بدوڵڵاش رایده‌گه‌یه‌نێت، ئه‌و كارانه‌ كاریگه‌ریی له‌سه‌ریان نابێت و به‌ڵێنی چاككردنه‌وه‌ی دوكانه‌ش به‌ خاوه‌نی دوكانه‌كه‌ ده‌دات.

شاخه‌وان عه‌بدوڵڵا رایگه‌یاند، ئه‌وانه‌ی ئه‌و كارانه‌ ده‌كه‌ن له‌ ده‌نگ و ره‌نگی پارتی ده‌ترسن و جه‌ختی له‌وه‌ش كرده‌وه‌، ئه‌وه‌ی ده‌یه‌وێت رووبه‌ڕوویان ببێته‌وه‌ شوێنیان له‌ كه‌ركووك و شاره‌كه‌ دیاره‌.

ئاماژه‌ی به‌وه‌شكرد، پێشتر له‌و كه‌سانه‌ خۆش بوونه‌ كه‌ پۆسته‌ره‌كیان دڕاندووه‌ و سووتاندووه‌، به‌ڵام سووتاندنی دوكانی ئه‌و كاسبكاره‌، جێگه‌ی لێخۆشبوون نییه‌.

شاخه‌وان عه‌بدوڵڵا روونیشیكرده‌وه‌، به‌هۆی ئه‌وه‌ی پۆسته‌ره‌كانی ئه‌و ئاڵای كوردستانی له‌سه‌ره‌، هه‌ندێك لایه‌نی نیگه‌ران كردووه‌ و جه‌ختیشی كرده‌وه‌، نه‌یاران ده‌بێت تێبگه‌ن كه‌ پارتی واتا ئاڵای كوردستان و دوای گه‌ڕانه‌وه‌ی پارتیش قۆناغێكی دیكه‌ له‌ شاره‌كه‌ ده‌ستپێده‌كات.

خاوه‌نی دوكانه‌كه‌ش رایده‌گه‌یه‌نێت، وه‌ك ده‌نگده‌رێكی پارتی له‌ كه‌ركووك سه‌رسه‌ختانه‌ پشتگیری له‌ كاندیده‌كه‌ی پارتی ده‌كات و دووپات له‌وه‌ ده‌كاته‌وه‌، ده‌ستبه‌رداری بیروباوه‌ڕه‌كه‌ی خۆی نابێت و سوورتریش ده‌بێت له‌سه‌ر پشتیوانیكردنی كاندیدی ئه‌و حزبه‌ له‌ كه‌ركووك.

بابه‌تی تر

تا چوار ڕۆژی دیکە دەوامی بەشێک لە زانکۆکانی سنووری سلێمانی ڕادەگیرێت

زانکۆکانی سلێمانی و هەڵەبجە و پۆلەتەکنیکی سلێمانی بۆ ماوەی چوار ڕۆژ دەوامیان ڕاگرت. لە ڕاگ…