سەلام عەبدوڵڵا

ئێستا دەنگۆی کشانەوەی ھێزەکانی ئەمریکا – بە تایبەت دوای دەستپێکردنی کشانەوەی لە ئەفغانستان- وێردی سەر زمانی زۆربەی عێراقییەکانە بە جیاوازی بیروڕایانەوە کە لە دوو ئاراستەی دیار و ئاشکرادا خۆی دەنوێنێت.
لایەک زۆر بە ڕوونی داوای کشانەوەی ئەمریکا دەکات تا ئاستی دەرکردنیان بە زەبری ھێز و تیرۆر، کە ئامانجیان ناشارنەوە و کاری رۆژانە لەسەر دەکەن و بە شانازییەوە ئەنجامی کارە تیرۆریستییەکانیان دەخەنەڕوو.
لایەنێکیش کە ھیچ بەو بڕیارەی ئەمریکا – گەر جێبەجێی بکات- خۆشحاڵ نییە و مەترسییەکانی لە ئەنجامی ئەو کشانەوەیە دەخاتەڕوو، ھەروەک ئایندەی کارەساتباری ئەو بڕیارەی لە پێش چاوە کە چی دوای کشانەوەی ھێزەکانی ئەمریکا روودەدات و وڵات چۆن نوقمی گۆمی خوێن دەبێت. ئێستا خەڵکی عێراق ئەو پرسیارە لە ئەمریکا دەکەن ، بۆ ھاتە نێو عێراق و رژێمی سەدامی رووخاند؟ ئایا بۆ ئەوە نەبوو کە کۆتایی بە سیستەمی دیکتاتۆری (35) ساڵە بھێنیت و سیستەمێکی دیموکراتی و مرۆڤدۆست دابمەزرێنن کە خەڵکی عێراق لە سێبەریدا بتوانن بە ئاشتی و خۆشگوزەرانی بژیت؟
ئایا – ئەمە خەڵکی عێراق بە تایبەتی کورد و سوننە پرسیار دەکەن – ئێستا لە عێراقدا سیستەمێکی دیموکراتی حوکم دەکات و دەسەڵاتی بە دەستە، یان تایفەیەکی دیاریکراو کە دانوی لەگەڵ دیموکراتییەت و سیکولاردا بە ھیچ شێوەیەک ناگونجێت، ئایا مەبەست لە داگیرکردنی عێراق تەسلیم کردنی وڵات بە دەست میلیشیا جۆراوجۆرەکانەوە بوو کە تەنیا شتێک کۆیانبکاتەوە دژایەتی سیستەمی دیموکراتی و بنیاتنانی کۆمەڵگەیەکی مەدەنییە و لەو پێناوەشدا سڵ لە گۆمی خوێن و سەرکوتکردنی خەڵک بە زەبری ھێز ناکەنەوە.
ئایا ئەمە مەبەستی ئەمریکا بوو کە ھەزاران سەربازی خۆی لەپێناودا بەخت کرد؟؟.

بابه‌تی تر

سەرۆک بارزانی و باڵیۆزی ھیندستان هەڵبژاردنی عێراق تاوتوێ دەکەن

ئەمڕۆ یەکشەممە 19ـی ئەیلوولی 2021 لە سەلاحەددین سەرۆک مەسعود بارزانی، پێشوازی لە پراشانت پ…