سێیەم ساڵیادی داستانی سحێلا

كاروان محەمەد سینو
سێ ساڵ لەمەو پێش و لەرۆژێكی وەكو ئەمڕۆدا،دوابەدوای چاوساغی و دەستكێشی تاقمێك خیانەتكاری لایەنێكی كوردستانی، هێزێكی شۆڤینی سوپای عێراق و میلیشا سەرەڕۆكانی ناو حەشدی شەعبی دژ بە ئیرادەی خەڵكی كوردستان بە خواست و مەرام و ئەجیندایەكی گومان لێكراو؟!، رۆژی 26ی ئۆكتۆبەر 2017 لە دەڤەری سحێلا (40كم باشوری خۆرئاوای زاخۆ) بە مووشەك و كاتیۆشا و هاون و تۆپی قورس و سووك، سەنگەرەكانی بەرگری پێشمەرگەیان بەچڕی بۆردومان كرد. پاشان بە دەبابەی (ئەبرامزی ئەمریكی) و دەباباەی T72ی رووسی و زرێپۆش و (باجیڕۆ) و هەمەر، هێرشیان كردەسەر سەنگەرەكانی پێشمەرگەی كوردستان. بەڵام پێشمەرگەكانی پارتی و بارزانی،پارێزەرانی گەل و وڵات، بەرسینگی داگیركەرانیان گرت و لە شەڕێكی دەستەو یەخەدا بە درووشمی (كوردستان یان نەمان) هێزی داگیركەرانی شكان و زەرەر و زیانێكی گیانی و مادیی زۆریان لە داگیركەران دا كە ناچار بوون داوای دانوستان و گفتوگۆبكەن. بەم شێوەیە سەركەوتنی سحێلا وەكو داستانەكانی دیكەی سەركەوتنی پێشمەرگەی لە تۆماری بزاڤی رزگاری خوازی كوردستاندا تۆمار كرا. لە سێیەم ساڵیادی داستانی سحێلا، سوپاسی سەرۆك بارزانی و تەواوی سوارچاكانی بنەماڵەی بارزانی دەكەین كە وەك هەمیشە سینگی خۆیان كردبووە قەڵغانی پاراستنی ئەزموونی هەرێمی كوردستان،هەروەها سوپاسی هەموو ئەو پێشمەرگە قارەمانەی كوردستان دەكەین (ئەوانەی بەشداریان كردبوو لەم داستانە پیرۆزە و سەری رێز و نوازش دادەنوێنیین بۆ شەهیدانی داستانی سحێلا. هەرشەكاوەبێت ئاڵای پیرۆزی كوردستان.