پێشنیوەڕۆی سێ شەممە ٨\٦\٢٠٢١ بەڕێز نێچیرڤان بارزانی، سەرۆکی هەرێمی کوردستان، پێشوازی لە شاندێکی یەکێتیی زانایانی ئایینی ئیسلامی کوردستان کرد.

لە کۆبوونەوەیەکدا کە بەڕێز وەزیری ئەوقاف و کاروباری ئایینی ئامادەی بوو، ڕۆڵی یەکێتیی زانایانی ئایینی ئیسلامی کوردستان لە قووڵکردنەوەی کولتووری پێکەوەژیان و تەبایی و یەکترقبووڵکردنی نێوان پێکهاتە ئایینی و نەتەوەییەکانی کوردستان و بیری نیشتمانپەروەری و ئایینپەروەری، بەرز هەڵسەنگێنرا.

یەکێتیی زانایانی ئایینی ئیسلامی کوردستان پشتگیریی خۆی بۆ هەوڵەکانی سەرۆک نێچیرڤان بارزانی و سەرۆکایەتیی هەرێمی کوردستان لەپێناو یەکڕیزی و تەبایی لەنێوان لایەن و پێکهاتەکانی کوردستان و لە هەوڵەکانی نووسینەوەی دەستووردا دووپات کردەوە و هیوای سەرکەوتنیان بۆ خواست، هەروەها دەستووریان لەسەر بنەمای هاووڵاتیبوون و ڕەچاوکردنی ئایینی ئیسلام وەک یەکێک لە سەرچاوەکانی داڕشتنی و ڕێزگرتن لە تایبەتمەندیی ئایینەکانی دیکە و ئازادییەکانیان بە پێویست زانی بە شێوەیەک ئایین نەکرێتە بابەتێکی سیاسی.

سەرۆک نێچیرڤان بارزانی دووپاتی کردەوە کە کۆمەڵگەی کوردستان کۆمەڵگەیەکی ئایینییە، بۆیە مامۆستایانی ئایینی ڕۆڵ و کاریگەریی زۆریان لەسەر کۆمەڵگە و ئاراستەکردنی هەیە و لەمبارەوە دەتوانن ڕۆڵی ئەرێنیی خۆیان لە پتەوکردنی بنەما کۆمەڵایەتییەکان و ئاشتەواییی کۆمەڵایەتی و ناتوندوتیژی و ڕەتکردنەوەی توندڕەویدا بگێڕن.

هاریکاری و هەماهەنگیی نێوان وەزارەتی ئەوقاف و کاروباری ئایینی و یەکێتیی زانایانی ئایینی ئیسلامی کوردستان، کارەکانی بۆردی وتاری ئایینی، دۆخ و گوزەرانی مامۆستایانی ئایینی و خوێندنی ئایینی لە کوردستان، چەند تەوەرێکی دیکەی کۆبوونەوەکە بوون.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

ڕێكخه‌ری گشتی بزوتنه‌وه‌ی گۆڕان سوپاسنامه‌یه‌ك ئاراسته‌ی مه‌كته‌بی سیاسی پارتی ده‌كات

عومه‌ری سه‌ید عه‌لی، ڕێكخه‌ری گشتی بزوتنه‌وه‌ی گۆڕان سوپاسنامه‌یه‌ك ئاراسته‌ی مه‌كته‌بی سی…