خەبات: هاوار مورتكەیی:- زریان كەمال وەك راگەیەندكارێك لە كەناڵی سلێمانی لەلێدوانێكیدا بۆ لاپەڕەی وەرزشی رۆژنامەی خەبات، باس لە وەرزش و ئەو حەزەی خۆی بۆ وەرزش دەكات و لەهەمان كاتیش تێروانینی خۆی هەیە بۆ ئەو خانمانەی روو لەهۆڵەكانی وەرزش دەكەن‌.

سەرەتا خاتوو زریان گوتی: بەڕای من یەكێك لە گرنگترین پێویستییەكانی مرۆڤ وەرزش كردنە، جا بە هەرجۆر و ڕێگایەك بێت، بۆ خۆپاراستن لە هەموو كێشەكان كە دەبنە هۆكاری ناتەندروستی وەك چۆن ڕۆژانە پێویستمان بە خۆراك و ئاو هەیە، ئاوهاش پێویستمان بە وەرزش كردن هەیە.

دواتر لەبارەی ئەوەی چ وەرزشێك دەكات گوتی: ئەو وەرزشەی من حەزی پێ دەكەم مەلەكردن و راكردنە، كە هەوڵ دەدەم كاتی زیاتریان بۆ تەرخان بكەم، سەیری یارییەكانی جیهانیش دەكەم بەتایبەتیش یارییەكانی ریال مەدرید كە ئەو یانەیەم خۆش دەوێت، بەگشتی پێم وایە زۆر گرنگە خانمان یان هەر تاكێكی كۆمەڵگا ڕوو لە وەرزش بكەن جا بە هەر شێوەو ڕێگایەك بێت.

لەكۆتایدا زریان كەمال پەیامنێرو پێشكەشكاری كەناڵی سلێمانی لەبارەی تێروانینی ئەو بۆ هۆڵەكانی لەشجوانی و ئەوخانمانەی روویان تێدەكەن گوتی: جێگای دڵخۆشییە كە دەبینین ژمارەیەكی زۆری خانمان روو لە وەرزش و هۆلەكانی وەرزش دەكەن، بەڵام ئەو كەسانەی كە هۆڵەكانی لەشجوانی هەڵدەبژێرن پێویستە زیاتر ئاگادار بن لەشوێن و شێوازی ڕاهێنان كردن، چونكە لەشولار گرنگەو دەبێ گرنگی پێ بدرێت، لە ئێستادا هۆڵەكانی لەشجوانی زۆرن، بۆیە دەبێت هەڵبژاردنەكە درووست بێت، لەهەمان كاتیش بەبێ راهێنەری ئەكادیمی ناكریت لەخۆتەوە هەموو وەرزشیك بكەیت بەمەبەستی لەشرێكی.

بابه‌تی تر

یارییەكی دۆستانە هونەرمەندانی شاری هەولێر كۆدەكاتەوە

خەبات: هاوكار كەلهوری:- لە یاریگای بچووكراوی شەهید فرەنسۆ هەریری، یارییەكی دۆستانەی تۆپی پ…