خەبات: هاوار مورتكەیی‌:- سەرچاوەیەك لە هەڵبژاردەی تۆپی پێی عێراق ئاشكرای كرد كە كە دیك ئەدڤۆكاتی راهێنەری هەڵبژاردەی عێراق بڕیاری دا كە 3 یاریزانی دیكە بانگهێشتی هەڵبژاردەی عێراق بكات كە لەنێویاندا ژیلوان حەمەد و رێبین سۆلاقایە.

دوای دۆڕانەكەی هەڵبژاردەی عێراق بەرامبەر هەڵبژاردەی ئێران، ئەو راهێنەرە دەیەوێت ریزەكانی هەڵبژاردەكە رێكبخاتەوە و سێ یاریزانی دیكەی پیشەگەری بانگهێشت كردووە، ئەویش بەر لەدەستپێكردنی گەڕی دووەمی پاڵاوتنەكانی مۆندیال بۆ گەیشتن بە جامی جیهانی قەتەر 2022 و بڕیارە رۆژانی 7 و 12ی مانگی داهاتوو رووبەرووی ئیمارات ببێتەوە.

بەپێی زانیارەكانیش ئەدڤۆكات هەریەك لە رێبین سۆلاقا بەرگریكاری یانەی بویرام یونایتدی تایلاندی و ژیلوان حەمەد دروستكاری یاریی لە یانەی ئۆریبیرۆی سویدی لەگەڵ محەمەد مستەفا لە یانەی نەسڕی ئیماراتی، بانگهێشت كراون كە پەیوەندی بە ریزەكانی هەڵبژاردەی عێرافەوە بكەن.

سەرچاوەكە ئاماژەشی بۆ ئەوەكردووە كە دوو یاریزانی دیكەی خولی عێراقیشی دەستنیشانكردووە بێ ئەوەی ناوەكان ئاشكرابكرێن ئەوانیش بباتە ریزی هەڵبژاردەی عێراقەوە.

بابه‌تی تر

وەک چۆن پێویستە لە هەڵەی کەسێک فێربین ئاواش گرنگە سەرکەوتنەکانی کەسێک بەرز بنرخێنین

فەرحان جەوهەر ناونیشانی سەرەوەی ئەم وتارە، پەرەگڕافی کۆتایی وتارێکی نێچیرڤان بارزانی سەرۆک…