خەبات: هاوار مورتكەیی:- جۆلیا ئۆسماك خانمە شەترەنجزانی ئۆكرانی دوای ئەوەی پلەی دووەم لەسەر ئاستی ئافرەتانی ئەورووپا بەدەست دەهێنێت، لێدوانێكی تایبەتی بۆ لاپەڕەی وەرزشی رۆژنامەی خەبات دەدات و وێڕای خۆشحاڵی خۆی، باس لە كەشوهەوای پاڵەوانێتییەكە دەكات.

جۆلیا كە تەمەنی 23 ساڵە و هەڵگری بڕوانامەی گراندماستەری ئافرەتانە دەڵێت: پاڵەوانێتی شەترەنجی ئەورووپا لە شاری یاش لە رۆمانیا بەڕێوەچوو، بەراستی شارێكی جوان و دڵگیرە و پڕیەتی لە شوێنی مێژوویی و كلتووری، هەر لەو شارەش دەمامەوە كە پاڵەوانێتییەكەی تێدا بەڕێوەچوو، هەروەها گوتی: ركابەرییەكی بەهێز لەنیو بەشداربوواندا لە ئارادابوو، پلەی یەكەمم بەدەست دەهێنا بەڵام لە دوا دوو یاریدا بەرامبەر بووم و بەپلەی دووەم دەرچووم، هیچ یارییەكم نەدۆڕاند بەڵام لەو دوو یارییەدا بەخت یاوەرم نەبوو، ئێستاش بەم ئەنجامەم زۆر دڵخۆشم.

پێشبڕكێیەكی قورس
دواتر جۆلیا ئۆسماك Julia Osmak گوتی: یارییەكی ئاست بەرزم پێشكەشكرد و بەگشتی پاڵەوانێتییەكە ورد و بەهێز بوو، لێرەوە دەمەوێ سوپاسی تایبەتی راهێنەرەكەم بكەم كە بەدرێژایی پاڵەوانێتییەكە یاوەرم بوو، هەروەها سوپاسی هەموو خزم و دۆستان دەكەم كە پشتیوانم بوون لەبەدەستهێنانی ئەم ئەنجامە لە پێشبڕكییەكی ئەوها قورسدا، سوپاس بۆ ئێوەش كە ئەو دەرفەتەتان پێدام پەیامی خۆم بگەیەنم.

بابه‌تی تر

وەک چۆن پێویستە لە هەڵەی کەسێک فێربین ئاواش گرنگە سەرکەوتنەکانی کەسێک بەرز بنرخێنین

فەرحان جەوهەر ناونیشانی سەرەوەی ئەم وتارە، پەرەگڕافی کۆتایی وتارێکی نێچیرڤان بارزانی سەرۆک…