فارس قادر فەقێ عەبدوڵڵا
مردن و ژین بە مانا ساكارو ئاسایەكەی دەكرێ پێناسەی بكەین بە مان و نەمان یان بوون و لەناوچوون بینراو نەبیراو یان لە یادكرا بەهەرحال ئەم بابەتە دورودرێژە بەڵام گەر بە شێوەیەكی تر بچینە ناو بابەتەكە پێم وایە باشتر وایە بگوترێ ئامادەو نا ئامادە بەتایبەت بۆ كەسانێك كە لە ناو دڵ و دەرونی نەوەیەك یان چەندین نەوەو نەتەوە دەمێنن و نامرن یاخوت بلێین بزرنابن, بەلێ كەسانێك هەن سەدەیەك دەژین بەڵام لە بەر ئەوەی كاریگەری و هێزو كەسایەتی و توانایان لەبەر پێی خۆیان رەتناكا رەنگە سێبەرەكەی خۆشی لێی بێزاربێت هەنە ژیاون و دەژین بەڵام وەك ئەوەن نەبووبن بوونە بە بارگرانیەك و ەبەڵایەك بەسەر میللەت و نیشتمانەكەی خۆیان و تا ئەو ئەندازەیەی كەڵكی خانەوادەكەی خۆشیان نیە كەچی كەسانێكیش هەن كە دەمرن ئەو سەروەرەیەی بە جێ دێلن بۆ خانەوادەو میللەتەكەیان هێندە بەرزن قەت و قەت ناویان وون نابێ و لەناو ناچێ.

بەڵێ هەروەك ئەوەی كەدیتمان لە بەرەبەیانی 19/11/2020 لە دەزگاكانی راگەیاندن بڵاوكرایەوە كەوا (د.فرسەت سۆفی) پارێزگاری هەولێر كۆچی دوایی كرد لە پر ئەو هەواڵە خەڵكی شاری هەولێری تاساند و لەوەش زیاتر پەریەوە ناو شارو شاروچكەكانی ترو ناو كوردانی پارچەكانی تری كوردستان و ئەوانەی لە دەرەوە دەژین و كەسانی تری رۆشنبیر و سیاسەتمەدارانی شەقامی عێراقی و ووڵاتانی تری ناوچەكە ئەمە هەمووی ئاماژەیەكە كە ئەم رووداوە كاریگەری زۆری هەبووە لەسەر دەرون و سۆزی رێژەیەكی زۆری رۆلەی نیشتمانەكەی فرسەت سۆفی چ كەسوكاری خۆی بێت یان دۆست و هەڤاڵانی یان كادر و هاوسەنگەرانی لەناو حكومەت و حزبەكەی خۆی وە لەوەش زیاتر لە حزبەكانی ترو كەسانی بێلایەن و رۆشنبیری ئەم نیشتیمانە بە گشتی.

ئەوەی من لەو نوسینەم مەبەستمە بیكەم و بلێم بەراوردێكە لە نێوان مردن و كۆچكردنی كەسانی وەك فرسەت سۆفی و كەسانی تری جیاواز لە رەوشت و ئەخلاق و مێژووی فرسەت سۆفی بەڵێ كەسانێك دەمرن رەنگە خەڵك بڵێن باشبوو لە كۆلمَان بووەوە یان لایەنی كەم خەڵك هیچ باسی ناكات وەك ئەوە وەری دەگرێ كە هیچ نەبووبێ بەڵێ كەسانێك ئێستا لە ژیانن خەڵك نازانن هەن یان نین و رەنگە خەڵك ئومێد بخوزان بمرن لە بەر چاوان نەمێنن یان كە هەن وەك ئەوەن نەبووبن و مردوون. بەڵێ هەموو ژیانێك ژیان نیە هەموو دەستكەوتێك سەروەری نیە گەر مێژوو بخوێنینەوە زۆرن ئەوانەی خاوەن دەسەڵاتن بوونە و سەروەت و سامانیان هەبووە بەڵام لە گەڵ مردنیان هەموو دەستەكەوتەكانیشیان مردون چونكە بێ بەهاو سەروەری بووە بێ نرخ بوونە قەدریان نەبووە لە ناو كۆمەڵگا و لە ناو دڵی میللەت نەژیاون مرۆڤ لەهەر روداوێك یان لە گەڵ لە دەستدانی هەر ئازیزێك دەبێ هەڵوەستەیەك بكات ژیان بنرخێنێ و ئەو جۆرە مردنانە بكات بەوانەیەك لە ژیان و پرسیار بكات بڵێت كامیان هەڵبژێرم هەڵوێست یان بەرژەوەندی؟ ئەخلاق یان سەرشۆری؟ پارەو دەستكەوتی ماددی یان مرۆڤایەتی، كورسی و پلەوپایە یان كەرامەت؟ بە تەئكید ئەوەی لە مانای ژیان گەیشتبێت دەبێت هەلوەێست و ئەخلاق و مرۆڤایەتی و كەرامەت هەلبژێرێ. نابێ عزەت نەفس و كەرامەتی خۆی بگورێتەوە بە هەندێ پلەوپایە و دەستكەوتی ماددی كە هەموویان هیچ نین و ئەوەی بە دوای ئەو شتانە بكەوێ و كەوتبێ دەرئەنجام دۆراوە و كەرامەتی خۆشی لەسەر دادەنێ.

بەڵێ سەرۆك مسعود بارزانی وا بە ئاسانی نالێت بە مردنی فرسەت سۆفی كورێكی خۆم لە دەستدا بەڵێ ئەم جۆرە كەسانە كە كوری بارزانین كاتێك دەمرن خەسارەتێكی گەورەن بەڵام ئەوەی سەروەریە بۆ خانەوادەكەی بۆ كورەكەی بۆ كچەكەی بۆ هاوسەرو دایك و خوشك و براكانی ئەوەیە كە نیشتمانێك بۆی دەگری و رابەر و رەمزی نەتەوەی كوردیش بە داخ و كەسەرێكی زۆرەوە دەفەرموێت فرسەت سۆفی كوری منبوو لە دەستم دا, چونكە رابردوویەكی پاك و بێگەردی هەبوو سەرۆك شانازی دەكات بە كوری خۆی حساب بكات. ئەوە سەروەریە بۆ هەموو ئەوانەی وەك فەرسەتن نەك ئەوانەی كە بە سەروەت و سامانی ئەم گەلە دەوڵەمەند بوون و گەندەڵن ئەوە سەروەتە بۆ فەرسەت سۆفی كە ئەو خانووەی لە ناوی لە دایك بووە لە گوندی گەزنەی باڵەكایەتی لە دۆلی گرتك رۆست كە خانەوادەكەی هەر تێدا دەژین لەوێ ماون وە براكەی دەلێت فەرسەت بۆگەلەكەی پارێزگارە ئێمە كاری خۆمان دەكەین وە دایكی شانازی بە كورەكەی دەكات و دەڵێت بووە بە پارێزگار لاف و كەشخە بەسەر خەڵك لێ نادات پۆست و پلەی كورەكەی لا گرنگ نیە میللەتەكەی لاگرنگە و دەڵێت حەزدەكەم كورەكەم خزمەتی هەژاران بكات و جادەو رێگاوبان چاك بكات. بە كورەكەی ناڵێت براكانت بكە بە بازگان و یەكێك بەنزینخانەی پێ بدە و ئەوەی تریان لەناو شارەوانیەكان دەلالاتی بكات و وەبەرهێنانیش بۆ ئەوەی تریان. ئەوەیە پەروەردەی راست و دروست بۆیە ئەمرۆ سەرۆك بارزانی ئەسەف دەكێشێ و دەڵێت كورێكم لە دەستدا و هەڤالان كاك نێچیروان بارزانی و كاك مسرور بارزانیش هەریەكەو بە شێوازێك غەمباری خۆیان پیشان دەدەن و تواناو دڵسۆزی دەست پاكی ئەو زاتە باس دەكەن.

بەلێ فرسەت سۆفی دەوڵەمەندە سەروەت و سامانی بە ژمار نایەت، فەرسەت زیرەك بوو لە هەموو بازرگانە بێ عەقڵەكان زیرەكتر بوو كە خەباتیان گۆریەوە بە پارە فەرسەت توانی بە شێوازێكی تر سەروەت و سامانێكی گەورە و شەریف كۆبكاتەوە كە زۆرانێك وەك ئەو نەیانتوانی كۆی بكەنەوە لە هەمووشی گرنگتر بە ماوەیەكی كەم كە (14) مانگە پارێزگارە ئەو دروێنەی ئەو بۆ حزبەكە و حكومەت و میللەتەكەی كرد بە كەم كەس دەكرێ لە هەمووشی سەروەری تر بۆخۆی لە مێژوویەكی كورت و تەمەنێكی كورت جوانترین و گەورەترین سەروەری و شانازی تۆماركرد. پارتی و كورد فەرسەتیان زۆرن هیوادارم فەرسەتەكان وەك ئەو فەرسەتە جلەوی حوكم بگرنە دەست بە پاڵپشتی ئەو باوكە گەورەیە و بەرێزەی بۆ فەرسەتەكان قەڵغانەو بۆیان داخدار و غەمبارە كە باوكی هەموو كوردە مسعود بارزانی چاو نەترس و مەردە.

*ئەندامی ئەنجومەنی سەركردایەتی پارێزگای هەولێر (پ.د.ك)

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

فەڕەنسا چی لە هەرێم دەوێت؟

فەرحان جەوهەر فەڕەنسا لەم ساڵانەی دوایی، بەتایبەتی لە کاتی هاتنی داعشەوە تا ئێستا، گرنگییە…