وەزارەتی تەندروستی عێراق لە راگەیەندراوێک بڵاویکردەوە، دوو هەزار و 458 کەسی دیکە لە عێراق تووشی کۆرۆنا بوون و هەزار و 863 کەسی دیکەش چاکبوونەوە.
ئاماژەی بەوەشکردووە، 90 کەسیش بەهۆی ڤایرۆسەکە گیانیان لەدەستداوە کە 14 کەسیان دانیشتووی بەغدان، 10 کەسیان دانیشتووی سلێمانین و 9 کەسیان دانیشتووی کەربەلان.
بەمەش ژمارەی تووشبووان بۆ 104 هەزار و 711 کەس بەرزبووەوە، لەو ژمارەیەش 71 هەزار و 268 کەس چاکبوونەتەوە و چوار هەزار و 212 کەسیش گیانیان لەدەستداوە.
