سەرۆكی ئەمەریكا، دۆناڵد ترەمپ “توڕەبوونی خۆی لەو ھێرشە قیزەوەرە” بۆ سەر كۆمەڵگای كاپیتۆڵ دەربڕی و بەلێنیشیدا ئەوانەی بەشدارییان لە كاری توندوتیژیدا كرد، “دەبێت باجی رەفتارەكانییان بدەن”.

ئەم قسانەی ترەمپ دوای رۆژێك ھات لە ھەڵكوتانە سەر بینایەی كۆنگرێس، لە میانی دانیشتنی ئەندامانی ھەردوو ئەنجوومەن بۆ پەسندكردنی سەركەوتنی بایدن لەھەڵبژاردنەكانی سەرۆكایەتی ئەمەریكا، ئەم ھەڵكوتانەی سەر كاپیتۆڵ بووە مایەی ئەوەی دیموكراتەكان داوای لابردنی ترەمپ لە پۆستەكەی بكەن.

ترەمپ لە گوتەیەكی ڤیدیۆییدا، كە لەسەر تویتەر بڵاوكرایەوە گوتی: “كۆنگرێس پەسندی ئەنجامەكانی ھەڵبژاردنی كرد، ئێدارەی نوێ لە 20 كانوونی دووەم دەستبەكار دەبێت، ئێستا من مێشكم لای رادەستكردنی دەسەڵاتە بەشێوەیەكی ئارام و رێكخراو.. ئەو ساتەش پێویستیی بە تیماركردنی برینەكان و ئاشتبوونەوە ھەیە”.

گوتیشی: “ئەو لە كارەكانی توندوتیژی و نەبوونی یاسا و گێرەشێوی توڕەیە”، كە لە لایەن لایەنگرانی خۆی رۆژی چوارشەممەی رابردوو لە كاپیتۆڵ ئەنجامدرا و ھەڵیانكوتایە سەر بارەگای كۆنگرێس و كاری وێرانكارییان تێدا ئەنجامدا”.

ترەمپ بەردەوام بوو لەسەر قسەكانی گوتی: “بۆ ئەوانەی كاری توندوتیژی و وێرانكارییان كرد،  ئێوە نوێنەرایەتی وڵاتەكەمان ناكەن، ئەوانەی لەیاسا دەرچوون، دبێت باجەكەی بدەن”

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

داعش هێرشی كرده‌ سه‌ر حه‌شد و فه‌رمانده‌یه‌ك و ده‌ چه‌كداری حه‌شد كوژران

ئه‌مشه‌و شه‌ممه‌ له‌سه‌ر یه‌كشه‌م چه‌كداره‌كانی ڕێكخراوی تیرۆریستی داعش هێرشێكی فره‌وانیان…