خه‌بات: ‬سەید فاتیح بەرزنجی
ئەندازیار‮ “‬سرود عەبدولمەجید‮” ‬بەڕێوەبەری‮ ‬ئاوەڕۆكانی‮ ‬هەولێر،‮ ‬دەربارەی‮ ‬هۆكاری‮ ‬گیرانی‮ ‬ئاوەڕۆكان و هەبوونی‮ ‬تیمی‮ ‬ئێشكگری‮ ‬بەردەوام بۆ حاڵەتە نەخوازراوەكان و حاڵەتی‮ ‬دروستبوونی‮ ‬لافاو لەناو گەڕەكەكان و گیرانی‮ ‬ئاوەڕۆكان و پرۆژەكانی‮ ‬ئاوەڕۆ لەشاری‮ ‬هەولێر،‮ ‬بۆ خەبات‮ ‬ڕوونیكردەوە‮: ‬هەموو ساڵێك بەر لە هاتنی‮ ‬وەرزی‮ ‬زستان و باران بارین دەستدەكەین بە خاوێنكردنەوەی‮ ‬ئاوەڕۆكان،‮ ‬بۆ ئەوەی‮ ‬لەكاتی‮ ‬بارانی‮ ‬بە خوڕ‮ ‬ئاوەڕۆكان نەگیرێن،‮ ‬بەڵام بەداخەوە لەبەر كەمی‮ ‬ڕادەی‮ ‬هۆشیاری‮ ‬هاووڵاتیان و فڕێدانی‮ ‬زبڵ و پاشماوە بۆ ناو ئاوەڕۆكان وادەكات كە ئاوەڕۆكان بگیرێن،‮ ‬بۆیە ئاو لە شەقامەكان و كوچەو كۆڵانەكان كۆدەبێتەوە،‮ ‬ئەگەرچی‮ ‬تیمە ئێشكگرەكانی‮ ‬خاوێنكردنەوەی‮ ‬ئاوەڕۆكان‮ ‬شەوو رۆژ لە ئامادەباشیدان،‮ ‬بۆ هەر ئەگەر و پێشهات و دروستبوونی‮ ‬لافاو لە هەر شوێنێكبێت،‮ ‬دەمودەست ئەو تیمانە دەگەنە شوێنی‮ ‬مەبەست و فریای‮ ‬حاڵەتەكان دەكەون‮.‬

بەڕێوەبەری‮ ‬ئاوەڕۆكانی‮ ‬هەولێر،‮ ‬ڕونیكردەوە:بۆ ئەوەی‮ ‬لەكاتی‮ ‬باران بارین ئاوەڕۆكان نەگیرێن،‮ ‬هەموو ساڵێك بەر لە هاتنی‮ ‬وەرزی‮ ‬زستان و باران بارین دەستدەكرێت بە خاوێنكردنەوەی‮ ‬هەموو ئاوەڕۆكان لە شاری‮ ‬هەولێر و دەوروبەری‮ ‬جگەلەوەش بەپێی‮ ‬توانا هەوڵی‮ ‬ئەوەش دەدەین كە ئەو سەرە مەنهۆڵانەی‮ ‬كەدزراون،‮ ‬سەرە مەنهۆڵیان بۆ دابنێینەوە،‮ ‬بۆئەوەی‮ ‬كێشە بۆ هاووڵاتیان دروستنەكات،‮ ‬لێرەوە جێی‮ ‬خۆیەتی‮ ‬ئاماژە بەوە بدەین و داوا لە هاووڵاتیان بكەین كە پارێزگاری‮ ‬لە سەرە مەنهۆڵەكان بكەین،‮ ‬چونكە سامانێكی‮ ‬نیشتیمانییە و نابێ بدزرێن،‮ ‬بەداخەوە هەندێ هاووڵاتی‮ ‬نەفس نزم‮ ‬ماوە ماوە هەوڵی‮ ‬دزینی‮ ‬سەرە مەنهۆڵەكان دەدەن،‮ ‬بۆیە پێویستە ئەو كەسانەی‮ ‬كە ئەو سەرە مەنهۆڵانە دەدزن پێویستە بدرێنە دادگا و لێرپرسینەوەیان لەكەڵدا بكرێت،‮ ‬لەبەر ئەوەی‮ ‬بەدزینی‮ ‬ئەو سەرە مەنهۆڵانە زیان بە ئاوەڕۆكان و زیانیش بە هاووڵاتیان دەگەیەنێت و كیشەیان بۆ دروستدەكات‮.‬

لە گەڕەكە تازەكاندا هەر كە شەقامەكان دروستدەكران ئەوا تۆڕی‮ ‬ئاوەڕۆش دروستدەكران،‮ ‬لەسەر بودجەی‮ ‬پەرە پێدان‮ ‬یاخود بودجەی‮ ‬وەزارەتی‮ ‬شارەوانی،‮ ‬پرۆژەی‮ ‬ئاوەڕۆ دروستكراون،‮ ‬بەڵام هێشتا شاری‮ ‬هەولێر پێویستی‮ ‬بە پرۆژەی‮ ‬زیاتری‮ ‬ئاوەڕۆ هەیە،‮ ‬ئەوەتا لە گەڕەكە كۆنەكان پێویستە ئاوەڕۆكان تازە بكرێنەوە بەتایبەتی‮ ‬هەبوونی‮ ‬كێشەی‮ ‬ئاوەڕۆ لەبەرئەوەی‮ ‬ئاستی‮ ‬ئەو كۆڵانانە نزمە‮ ‬یاخود نزیكی‮ ‬ئاوەڕۆی‮ ‬سەرەكی‮ ‬سندوقیەكانن،‮ ‬بۆیە لەگەڵ هەر باران بارینێكی‮ ‬بەخوڕ‮ ‬ئەو ئاوەڕۆیانە زوو پڕ‮ ‬دەبن لە ئاو،‮ ‬بەڵام تیمەكانمان خۆبەخشانە هەموو كاتێك لە ئامادەباشیدانە و بەردەوام لە ئێشكگرتندان،‮ ‬بە هاوكاری‮ ‬لایەنە پەیوەندیدارەكانی‮ ‬وەكو‮ ‬بەڕێوەبەرایەتیەكانی‮ ‬بەرگری‮ ‬شارستانی‮ ‬و شارەوانیەكان و ئاودێری‮ ‬هەولێر و هاتووچۆ و پۆلیس و قایمقامیەت‮ ‬و چەندین دامودەزگای‮ ‬دیكە،‮ ‬شەوانە تابەیانی‮ ‬ئەو تیمانە لە ئێشكگریدانە و لیژنەی‮ ‬بەرەنگاربوونەوەی‮ ‬لافاو هەموو كاتێك شەو و رۆژ لە ئەركدایە،‮ ‬بۆ هەر رووداو و پێشهاتێك ئەگەر رووبدات،‮ ‬ئەوا لەحزمەتی‮ ‬هاووڵاتیانداین،‮ ‬داواش لە هاووڵاتیانی‮ ‬چەند گەڕەكێكی‮ ‬ناو شاری‮ ‬هەولێر دەكات هاوكاری‮ ‬تیمەكان بكات و چیتر زبڵ و پاشماوە فڕێ نەدەنە ناو ئاوەڕۆكان،
لەكاتی‮ ‬باران بارینی‮ ‬ئەو چەندرۆژانەی‮ ‬دواییدا لەماوەی‮ ‬ئەو چەند شەوانە‮ ‬تابەرەبەیانی‮ ‬خۆم وەكو بەڕێوەبەری‮ ‬ئاوەڕۆكان،‮ ‬تابەرەبەیانی‮ ‬لە ئێشكگرتن دابم و خزمەتی‮ ‬هاووڵاتیان بكەم،‮ ‬هەوڵماندا هەموو ئەو ئاوەڕۆیانەی‮ ‬كە گیرابوون پاكیان بكەینەوە تا لافاو دروستنەبێت لەگەڕەكی‮ ‬گڵكەندی‮ ‬سێتاقان‮ ‬عەمبارێكی‮ ‬كۆكردنەوەی‮ ‬ئاومان دروستكردووە،‮ ‬لە ژێر باخچەكەی‮ ‬ئەوێ،‮ ‬ئەو شوێنە بۆتە بازرگانی‮ ‬و باڵەخانەكان بەرز بوونەتەوە،‮ ‬بۆیە زیانەكان كەمترن،‮ ‬لەگەڕەكی‮ ‬ژێر‮ ‬پردی‮ ‬سەیداوەش پەمپ دانراوە بۆ ئاوەشۆر كردنی‮ ‬ئاوی‮ ‬باران و شوێنەكە كەندە و لەوەتەی‮ ‬ئەو پەمپانە دانراون لە ژێر ئەو پردانە ئاوەشۆری‮ ‬ئاوی‮ ‬باراندەكرێت و لافاو لەژێر ئەو پردانە دروستنابێت،‮ ‬لەو بارانەی‮ ‬ئەو دواییەدا لە ئەندەرپاسی‮ ‬جیهان هەندێ ئاو كۆبووەوە،‮ ‬ئەوەش چارەسەركرا و ژمارەی‮ ‬پەمپەكان زیادیكرد و بوو بە‮ ‬نۆ پەمپ‮‬،‮ ‬لەو حاڵەتەدا ئاوی‮ ‬باران كۆنابێتەوە،‮ ‬لەكاتی‮ ‬زستاندا لافاو لە چەندین وڵاتی‮ ‬دونیا دروستدەبێت و چارەسەری‮ ‬بۆ دەكرێت،‮ ‬ئەگەر هاتوو ئاوەڕۆكان زبڵ و پاشماوەی‮ ‬تیا كۆنەبێتەوە ئەوا هەرگیز لافاو دروستنابێت‮.‬

دواتر هەر لە درێژەی‮ ‬ئەو راپۆرتەدا ئەندازیار‮ “‬سرود عەبدولمەجید‮” ‬سەبارەت بەپلانی‮ ‬داهاتوویان گوتی‮: ‬لەماوەی‮ ‬ساڵانی‮ ‬رابردوودا لەبەر قەیرانی‮ ‬دارایی‮ ‬نەتوانراوە پرۆژەی‮ ‬خزمەتگوزاری‮ ‬ئەنجامبدرێت،‮ ‬بەتایبەتی‮ ‬پرۆژەی‮ ‬ئاوەڕۆ،‮ ‬هەر بۆیە وەكو‮ ‬بەڕێوەبەرایەتی‮ ‬ئاوەڕۆكانی‮ ‬هەولێر‮ ‬لەپلانماندایە چەندین پرۆژەی‮ ‬ئاوەڕۆی‮ ‬سندوقی‮ ‬دروستبكەین،‮ ‬لە هەموو ئەو شوێنانەی‮ ‬كە پێویستی‮ ‬بە ئاوەڕۆ هەیە بۆی‮ ‬ئەنجامدەدەین،‮ ‬تائەو پرۆژانە ئەنجامدەدرێن پێویستە هاووڵاتیان هاوكاریمان بكەن بۆئەوەی‮ ‬زبڵ و پاشماوە فڕێ نەدرێتە ناو ئاوەڕۆكان،‮ ‬بەتایبەتی‮ ‬فڕێنەدانی‮ ‬پاشماوەی‮ ‬خانوو بەرە،‮ ‬چونكە وادەكات كە ئاوەڕۆكان بگیرێن،‮ ‬لەوماوەیەشدا چەندین پرۆژەی‮ ‬ئاوەڕۆمان ئەنجامدا،‮ ‬بەتایبەت پرۆژەی‮ ‬دروستكردنی‮ ‬ئاوەڕۆ لە شەقامی‮ ‬ئیسكان،‮ ‬توانرا تۆڕی‮ ‬ئاوەڕۆی‮ ‬بۆ تازە بكرێتەوە و لە قۆناغی‮ ‬كۆتاییدایە،‮ ‬لە چەند شوێنێكی‮ ‬دیكەیش پرۆژەی‮ ‬ئاوەڕۆ دروستكرا لەگەڕەكی‮ ‬نازناز‮ ‬و گەڕەكی‮ ‬سیمی‮ ‬خاتووناوەو چەندین شوێنی‮ ‬دیكە،‮ ‬بەپێی‮ ‬توانا كاریان بۆ كراوە،‮ ‬بۆ پاكردنەوەی‮ ‬ئاوەڕۆكان و تیمەكانی‮ ‬ئێمەش شەو و رۆژ لەكاتی‮ ‬باران باریندا بەردەوام لە ئێشكگرتندانە و داواكارین لە‮ ‬حكوومەتی‮ ‬هەرێم‮ ‬كە كرێكاری‮ ‬زیاترمان بۆ دایینبكات بۆ پاككردنەوەی‮ ‬ئاوەڕۆكان‮.‬

بابه‌تی تر

دواجار ماگنۆس بڕیارەكەی خۆیدا وازبهینێت

خەبات: هاوكار كەڵهوری:- ماگنۆس كارلسن پاڵەوانەكەی شەترەجی جیهانی هەمووانی تووشی سۆك كرد كا…