سەباح بەیتۆڵا
كو ناڤێ بارزانیێ نەمر دئینین بیرهاتنەكا دیروكەكا پر سەروەریی دكەینەڤە بیرهاتنا ب دەهان ئەزموون و سەربورا دكەینەڤە بیرهاتنا خەبات و بەرخودانەكا مەزن دكەینەڤە بیرهاتنا هەمی شورەش و سەرهلدانێت كوردا دكەینەڤە بیرهاتنا هەمی رێبەر و سەركردێت میللەتێ كورد دكەینەڤە ….
بوچی بارزانی بویە هێما و ناسناما میللەتێ خۆ ؟ چونكی میللەتێ كورد ل نا ئومێدیێ رزگار كر و باوەری ب سەركەفتنا دوزا میللەتێ خۆ هەبوو و كاودان چەند نەخوش و تەنگاڤ و دوژوار بوو بیت بارزانی شیا میللەتێ كورد ل خەوا گران هوشیار بكەت و شیا دیروكەكێ تومار بكەت كو هەتا هەتا كورد شانازیێ پێڤە بكەت ، راستە كو دبێژن بەیاڤ ب سالێت درێژ دهێتە پیڤان و قویناغ ب كریار و هەلوێست و فیداكاریێ ودلسوزیێ دهێتە دەست نیشانكرن و حوكمێ دیروكێ ژی بۆ میللەتی دمینتەڤە كو ل سەر مروڤی بریارێ بدەت نەخاسم میللەت هەلسەنگاندنا رێبەر و سەركردێت خو دكەت ، رێبەر وسەركردە ئەوە كو هەمی دەما تو هزربكەی یێ ل هنداڤ سەرێ تە و یێ چاڤدێریا تە دكەت و چەند تویێ لێ دویر ژی بی ئها ئەڤە ئێك بوو ل خەسلەتێن بارزانیێ نەمر و مروڤی وەسا هزر دكر كو هەردەم دگەل مروڤی یە و چاڤدێریا رابین و كریار و روینشتنێت مە دكەتن ئەڤە ژی ڤەدگەرێتەڤە بۆ وێ كارێزمایا مەزنا بارزانیێ نەمر، بارزانیێ نەمر ل هەمی پارچێن كوردستانێ دا خەبات و بەرخودان كریە و قوربانی دایە چونكی چریسكا ئومێدێ ل هەر پارچەكێ دروست ببا بارزانی قەستا وێرێ دكر ب خۆ و ب بنەماڵا خوو و ب عەشیرەتا خوڤە بەژداری د شورەش و سەرهەلدانا كر و قوربانی ل دویڤ قوربانیێ پێشكێش كر لەوا بویە جهێ رێز و حورمەتا میللەتێ خۆ و دیروك ژی پتر ل سەر بارزانی راوەستایە و بەهراوی ل هەمی رێبەر و سەركردێت دیتر پتر بوویە چونكی ئەڤە بوویە ژینا وی نڤیسەر ژی نەچار بووینە زوربەیا بەرپەرێت مێژوویێ بۆ بارزانیێ نەمر تەرخان بكەن ،
ئەگەر جوداهیەكێ دناڤبەرا رێپیڤانا بارزانیێ نەمر و رێپیڤانا ماوتسی تۆنگ بكەین دێ بینین : رێپیڤانا ماوتسی تۆنگی ل ژێریا چینێ بۆ ژوریا چینێ بویە بەلێ مەسیرا بارزانی دناڤ جەرگێ دەولەتێن داگیركەرادا بوویە روژنامەڤانەكێ مصری ل بارزانیێ نەمر دپرسیت : فەلسەفا تە د ژیانێ دا چی یە ؟ بارزانی دبەرسڤێ دا دبێژیت ( راستی دژی خواریێ و چاكی دژی خرابیێ و بەرەڤانی ل مەزلومی دژی زالمی …)
ئەڤە ژ خەسلەتێت رێبەر و سەركردانە ئەوێن ژینا خۆ تەرخان دكەن بۆ میللەت و وەلاتێ خۆ ، بارزانیێ نەمر ل دەستپێكا ژیانا خۆ یا شورەشگێری و ل دامەزراندنا پارتی باوەریی ب عەدالەت و دادپەروەریێ هەبوویە و دژی تیرورێ و زولم و زوریێ و ناحەقیێ بوویە لەوما حەسن عەلەوی دبێژیت : ئەوا هەتا نوكە كوردا ب دەستڤە ئینایی بێگەردیا بارزانی یە ل دژی تیرورێ بوویە ،
بارزانیێ نەمر بویە دیاردەیەكا سیاسی یا كوردی ل روژهەلاتا ناڤین و جیهانێ هەروەسا قوتابخانەیەكا شۆرەشگێری و هزری و هەتا نهۆ ژی ب هزاران رێبوارێت ڤێ شورەشێ وانێت خۆ لێ وەردگرن
رێبەر و سەركردە چەند خەسلەتێت تایبەت هەنە كو ب جورئەتڤە دشێم بێژم هەمی ئەو خەسلەت د بارزانی دا دكوم بوون
قەدەرا ژینێ یە هەر مرۆڤەكێ بژیت تڤیا بمریت ژی لێ مرن چەند جورن ….مرنا سەرفیرازی و نەمری …مرنا سادە و ساكار …هەر مرۆڤەك ژی ب رەنگەكی نەخشێ ژیانا خۆ دكێشیت ، هندەك مروڤ هەمی ژیانا خۆ تەرخان دكەن بۆ سەربلندیا میللەتێ خۆ و بۆ رزگاری و سەرفیرازی ، بەلێ وی روژەكێ ل روژان رامانا ماندیبوونێ و ترسێ و مرنێ نەزانیە و بارزانی هەر ل ژیێ (٣) سێ سالیێ دا فێری وانێت خەبات و بەرخۆدانێ بوو و دناڤ كوژیێت زیندانێ دا ،
ئەنیشتاین دبێژیت (( تۆ ب بێژی خەلكێ هندستانێ ئانكو جیلێ تازە باوەر بكەن كو نەهرویەك ب سادەیا خۆ یا ژیانێ رێبەریا هندستانێ كربیت ))
هەروەسا تۆ ب بێژی نفشێ تازە یێ كوردا بگەهنە وێ باوەریێ كو بارزانیێ نەمر دژیێ (٣) ێ سالیێ دا كەفتیە دزیندانێ دا و (٦٠) سالێت رەبەق دژیانا خۆدا تەرخانكربوو بۆ خزمەتا كورد و كوردستانێ ، لەوا ئەركێ نڤیسەر و زانایێت مەیە كو ژیانا سەركردە و رێبەرێت خۆ بنڤیسن و نەڤیێت نهۆ لێ ئاشنا ببن و دیروكا میللەتی و رێبەر و سەركردێت خۆ بزانن و ببنە وانێت مێژوویی و ل قویناغێت خاندنێ بێنە خاندن و نەڤیێت تازە ل ژیانا سەركردێت خۆ شارەزا بن
بارزانیێ نەمر وەكو میللەتێ خۆ دژیا ب هەمی رەنگێت سادەیێ ڤە چونكی میللەتێ وی ب ڤی رەنگی دژیا ، ل دەمێ خۆدا پرسیارا سەروك وەزیرێن ئیتالیا كر كو كومونیست بوو دگوت : بوچی تۆ هەر روژ ب جل و بەرگەكێ تازە دهێیە سەركاری و ئەڤە بەروڤاژیا بیرو بوچوونێت حزبا وی یە د بەرسڤێ دا گوتی (( راستە بەلێ میللەتێ ئیتالیا حەز ل رێك و پێكیێ و ئەناقەتێ دكەت لەوا من ژی دڤێت وەكی میللەتێ خۆ بم )) بارزانیێ نەمر و مەزن ژی هەتا مالئاڤاهیێ گەلەك ب سادە و ساكار ژییا چونكی میللەتێ وی حەز ل ژیانا سادە و ساكار دكر و مە گۆت بارزانیێ نەمر چ جاران نە مساومە ل سەر مافێ میللەتێ خۆ كریە و نە تەنازۆل ژی ل بوهستەكا ئاخا پیروزا كوردستانێ كرییە ، ئەو رێبەر و سەركردێت هەمی ژیانا خۆ بۆ خزمەتا میللەت و وەلاتێ خۆ تەرخان دكەن و قوربانیێ بدەت و تەسلیمی دوژمن و داگیركەران نەبیت و دەست ل ئاخا وەلاتێ خۆ هەلناگرن و هەتا هەتا جهێ رێز و حورمەت و قەدرگرتنا میللەتێ خونە وەكو بارزانیێ نەمر ،
قەیسەری ل دەمێ خۆدا دەست ل ئاڵاسكا بەردا لەوما هەتا نهۆ ژی جهێ نەفرەتا میللەتێ خۆیە كلیلا كەسایەتیا بارزانی ب بوچوونا هندەك زانایان كوردینی یا وی و كوردستانی یا وی بوو
دانا ئادەمزشمریت دبێژیت (( بارزانی چ جارا خۆراگریا خۆ ل دەست نەددا و بێ ئومێد نەدبوو و جورئەت و راشكاوی و مێرانی و قەهرەمانی خەسلەتێن وی بوون و ل ستراتیژیەتێ موكم و ل تەكنیكێ نەرم و چ جاران بارزانیێ نەمر میللەتێ خۆ ب كێمتر نەدزانی ل میللەتێن دیتر ))
لەوما بۆ دانوستاندنێ دگەل رژێمێن ئێك ل دیڤ ئێكێن عێراقێ هەمی جاران وان قەستا كوردستانێ دكرن چونكی بارزانیێ نەمر میللەتێ خۆ كێمتر ل چ میللەتان نەدزانی ،
مێژوو هندەك رێبەر و سەركردا دروست دكەت بەلێ هندەك مروڤ مێژوویێ بۆ خۆ و میللەتێ خۆ دروست دكەت ژ وانا بارزانیێ نەمرە
ئوجارئوبالانس د پەرتوكا خۆدا شورەشا كوردی (١٩٧٥_١٩٦١) دبێژیت :((چیروكا شورەشا كوردی گرێدایە ب چیروكا ژیانا بارزانی ))
جەمال عەبدوڵناسر دبێژیت :(( بارزانی مروڤەكێ مەزنە كەڤن و نوی تێدا كوم دبن و رێبەرەكێ مەزن و فیداكارە بۆ میللەتێ خۆ و جهێ رێز و حورمەتا مە هەمیانە)) ئەڤەژی ڤەدگەرێت بۆ هەلوێستێت بارزانیێ نەمر بەرامبەر ب دۆزا عەرەبی و نەخاسم (١٩٧٣_١٩٦٧) ئێك ل بەرچاڤترین دەسكەفتێت خەباتا بارزانی بۆ كورد و كوردستان وەكو پروفیسور و دكتور میخائیل لازاریف كوردناس و روژهەڵاتناسێ روسی دبێژیت:(( كێشا
میللەتێ كورد ل كێشەیەكا ناوچەیی بكەتە كێشەیەكا نێڤدەولەتێ بارزانی شیا وان هەمی ئاستەنگا بشكێنیت و دەنگێ كوردا بگەهینتە دونیایێ ))
ئەلیكسەندەر كیسیلوف كو بەرپرسێ ئەمنیێ پاپوڕا كروزیا بوو دبێژیت : (( خوشەویستیا میللەتی بۆ بارزانی دەستكرد نەبوو ب ئەمر نەبوو بەلكی ژ نیڤا دلێ جەماوەریی بوو چونكی من ئەو خوشەویستی ب چاڤێت خۆ دیت لەوا هنگێ من زانی كو بارزانی مروڤەكێ گەلەكێ مەزنە ))
ماكسیم گورگی نڤیسەرێ روسی دبێژیت:(( دیروكا راست و دروست ناهێتە زانین یا چ میللەتا هەتا تۆ نەزانی ل دەڤەكێ بۆ دەڤەكێ دیتر چ دهێتە گۆتن لەوا هەتا نهۆ ژی ل سەرتا سەری كوردستانا مەزن و هەمی ئازادیخواز و ئاشتیخواز ب شانازیڤە ناڤێ بارزانیێ نەمر تینن ))
بارزانیێ نەمر چ دەما رەئیا خۆ فەرز نەدكر و مشورەت دگەل هەڤالێت خودا دكر بۆ نمونە ل ١٩٤٧/٦/٦ ل گوندێ عەمبارێ میرزا عەبداڵ خەلكێ گوندێ هاسوونێ دبێژیت بۆ دەرباز بوون ل رویبارێ ئاراسی بارزانیێ نەمر پرسیار من كر كا كی رێك باشترە ئەوژی دبێژیت من گوتە بارزانی : ( رێكا ئێكێ توركیا یە یا ب مەترسی یە و رێكا دوویێ دەشتا ماكویێ یە و ئەڤە باشترە ) بارزانیێ نەمر رێكا دوویێ هەلدبژێریت و تێدا سەردكەڤیت بەرێز غەنی بلوریان دبێژیت: ( قودسیەتا دینی ل دونیایێ دا یا هەیی ئەگەر قودسیەتا نەتەوەیی هەبا ،،،، بارزانیێ نەمر قودسیەتا نەتەوەیی یا كوردستانێ یە )
زانایەكێ روسی ل فیلما پێشرەو دبێژیت: ( مەژیێ بارزانی ژ لەشێ وی مەزنتر بوو ،،، هەستا وی یا شەشێ گەلەكا بهێز بوو ،،،،،میللەتێ خۆ چ جارا بەرەف هەڵدێر نەدبر ) دیسان هەر وی زانایی گوت : ( ئەگەر پرسیارا من بكەن كەسایەتیێ چەرخێ بیستێ كی یە ؟ ئەز دێ بێژم بارزانی یە و نابێژم لینینە ، چونكی بارزانی تاكە سەركردەیە كو هەمی ژیانا خۆ تەرخان كریە بۆ رزگاری و ئازادی یا میللەتێ خۆ )هەر چەندە ئەز مروڤەكێ روسی مە ،
بارزانیێ نەمر دژیانا خۆدا خۆ ب ئارمانجا ڤە گرێدا بوو نەك ب مەرجا ڤە لەوا بارزانی شیا گەلەك دەستكەفتیا بۆ میللەتێ كورد بدەستڤە بینیت ،
بارزانیێ نەمر شەهرەزایی ل مێژوو و جوگرافیا كورد و كوردستانێ دا هەبوو و بارزانی چ جارا لبن بارێ بەرپرسیارەتیێ نەدرەڤی و بریارا میللەتێ خۆ ب جورئەتڤە ددا و بارزانیێ نەمر شەهرەزایەكا تەمام ل سەر هێزێت دوژمنی هەبوون لەوا هەردەم دوژمن بەرامبەر بارزانی یێ شكەستی بوو
بارزانی دزانی كەنگی بریارێ بدەت و كەنگی پێنگاڤا دانێت چونكی هەمی پێنگاڤێت وی ژبوی بەرژەوەندیا كورد و كوردستانێ بوون بارزانی دەرگەهەك لێ نە ددا ئەگەر بەرژەوەندیا میللەتێ وی تێدا نەبا لەوا كورد ژی بۆ هەتا هەتا شانازیێ بناڤێ پیروزێ بارزانی دكەت مەزناهیا بارزانی بیرمەند و شارەزایی و سیاسەت و دیبلوماسیەتا بارزانی هندە یا مەزن بوو لەوا نڤیسەرێ مەزنێ مصری محەمەد حسنێن هەیكەل ل چاڤپێكەفتنا خۆ دگەل بارزانیێ نەمر ل عەزیمیا كەرەج ل سالا ١٩٧٥ دبێژیت یا لیتنی قابلت الاسد فی عریته…..
نڤیسینا خۆ بڤێ پارچە هوزانا هوزانڤانێ كورد پەروەر هەژارێ موكریانی دێ ب دوماهی ئینم :
بەكێ بلێ ی كوردستانیم ….پێت دەلێ بلێ بارزانیم
بەلێ كورد و كوردستان بناڤێ بارزانیڤە دگرێداینە و ژێك جودا نابن .

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

بۆ سیاسەتی دەرەوەی هەرێمی كوردستان سەرکەوتووە؟

د. سامان سۆرانی هەرێمی كوردستان لە ساڵی ١٩٩١ وە، واتە پاش دوورخستنەوەی ڕژێمی پێشوو لە هەند…